پاکستان عالی محکمه‌سی اوشبو مملکت پارلمانی لغو بولیشینی ناقانونی دیب و اونی قیته‌دن احیا قیلگن. مذکور محکمه عمران‌خان گه ایشانچ آواز بیرمسلیک طرحی‌نی هم قانون گه قرشی اعلام قیلگن.
پاکستان پارلمانی، اوشبو مملکت باش وزیری عمران‌خان التماسی و جمهوررئیس نینگ تصدیقی بیلن منحل بولگن ایدی. بیراق بوگون پاکستان نینگ عالی محکمه‌سی، بو ایش‌نی اوشبو مملکت نینگ اساسی قانونی‌گه قرشی دیب ایتیشیچه، باش وزیر پارلمان‌نی منحل قیلیش التماسینی جمهوررئیس‌دن قیله آلمه‌یدی.
بیزلرنینگ توییترده هم تعقیب قیلینگ!
پاکستان میدیالری نینگ گزارشی اساسیده، مذکور مملکت نینگ عالی محکمه‌سی پاکستان پارلمان باشلیغی اسد قیصر گه، شنبه کونی، ۹ اپریل کینگشینی، باش وزیر گه ایشانچ آواز بیرمسلیک طرحی‌نی آواز بیریش گه قوییش اوچون توشدن آلدین ساعت ۱۰ ده چقیریش گه بویروغ بیرگن.
محکمه نینگ بویروغی‌ده کیلیشیچه: «باش وزیر گه ایشانچ آواز بیرمسلیک نتیجه بیرگن تقدیرده، پارلمان ینگی باش وزیرنی منصوب قیله‌دی.» پاکستان نینگ قضائیه قوه باشلیغی، اوشبو مملکت پارلمان باشلیغی اورین باسری نینگ، عمران‌خان گه ایشانچ آواز بیرمسلیک طرحی رد بولیش قرارینی پاکستان اساسی قانونی ۹۵-ماده‌سینی نقض قیلیش عنوان قیلگن.
بیزلرنینگ فیسبوک صحیفه‌میزگه باش اورینگ!
یک‌شنبه، ۱۴ حمل عمران‌خان گه ایشانچ آوازبیرمسلیک طرحی آواز بیریشگه قویلیشی کوتیلر ایدی؛ لیکن پاکستان پارلمانی باشلیغی نینگ اورین باسری قاسم‌خان سوری بو طرح‌نی ناقانونی دیب رد ایتدی. او، رژیم اوزگریشی اوچون نظرگه آلینگن حرکت‌نی رد ایتگنینی ایتگن ایدی و «مین بو موضوع‌نی بوتون ملت گه تبریکله‌ی من.»
عمران‌خان گه ایشانچ آواز بیرمسلیک طرحی رد بولیشیدن کیین، او پاکستان جمهور باشلیغی عارف علوی‌دن، پارلمان‌نی منحل قیلیب و ینگی سیلاو اوتکزیلیش التماسینی قیلدی. عارف علوی پاکستان پارلمانینی عمران‌خان نینگ التماسی بیلن منحل اعلام قیلدی.
