اسلامی دولت گروهی (داعش)، ترقه‌تگن بیانیه‌سیده کابل ده پاکستان ایلچیخانهسی گه اویوشتیریلگن هجوم مسئولیتینی تن آلگن.
اوشبو هجوم جمعه کونی، ۱۱ قوس یوز بیردی. پاکستان دولتی گه کوره، مذکور هجوم دن مقصد، کابل ده پاکستان ایلچیسی عبیدالرحمان نظامانی ایکن؛ بیراق او ساغ و قوریقچیسی یره‌لنگن.
داعش گروهی نینگ بیانیه‌سیده کیلیشیچه، مذکور گروه پاکستان ایلچیسی و قوریقچیلری گه هجوم قیلگن. اوشبو هجوم ایچکی و خلق‌ارا مناسبت‌لر گه روپه‌ره بولگن.
بیرلشگن ملت‌لر تشکیلاتی خوفسیزلیک کینگشی، یوناما، امریکا تشقی ایشلر وزیرلیگی، کابل ده تورکیه ایلچیخانهسی، قطر و ایران مذکور هجوم نی قتیق شکلده قاره‌لب و افغانستان ده دیپلوماتیک نهادلر خوفسیزلیگی تأمین ایتیلیشینی طلب قیلگنلر.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی خوفسیزلیک کینگش اعضالری بیر بیانه ترقه‌تیب، کابل ده پاکستان ایلچیخانهسی گه اویوشتیریلگن هجوم نی «ترورچیلیک» دیب و اونی قتیق شکلده محکوم قیلگنلر.
اوشبو کینگش اعضالری گه کوره، برچه تامان‌لردن دیپلوماتیک مکان‌لر، قنسولگرلیکلر و بیرلشگن ملت‌لر تشکیلاتی گه اعضا مملکت‌لر نینگ ایشلاوچیلری گه حرمت قیلیش‌لرینی سوره‌یدیلر.
شو بیلن بیرگه، پاکستان تشقی ایشلر وزیرلیگی هجوم دن کیین، پاکستان ده افغانستان نینگ ایلچیخانهسی سرپرستی‌نی چقیردی؛ لیکن مذکور وزیرلیک ترقه‌تگن بیانیه‌سیده، کابل دن پاکستان دیپلومات‌لرینی چیقریش و ایلچیخانه‌سینی یاپیش اوچون هیچ قنده‌ی برنامه‌لری یوق‌لیگینی معلوم قیلگن.
شونینگدیک افغانستان تشقی ایشلر وزیرلیگی مذکور هجوم نی قاره‌لب ایتیشیچه، ترورچی گروه‌لر خارجی دیپلومات‌لر گه تهدید بولیشیگه رخصت بیرمه‌یدیلر.
بیزلرنینگ توییترده هم تعقیب قیلینگ!
تشقی ایشلر وزیرلیگی سوزلاوچیسی عبدالقهار بلخی گه کوره، اوشبو وزیرلیک سرپرستی امیرخان متقی پاکستان تشقی ایشلر وزیری بلاول بوتو بیلن، کابل ده پاکستان ایلچیخانهسی گه اویوشتیریلگن هجوم حقیده تیلیفونی سوزلشگنلر.
جناب متقی اوشبو تیلیفونی سوزلشووده، کابل ده پاکستان ایلچیخانهسی خوفسیزلیگی تأمین ایتیلیب و واقعه عامللری جزالنتیریلیشیدن ایشانچ بیلدیرگن.
تشقی ایشلر وزیرلیگی سوزلاوچیسی بلاول بوتو زرداری دن نقل قیلیب ایتیشیچه، بو گَل واقعه‌لر ایکی مملکت مناسبتی اوستیگه سلبی تأثیر قیلمه‌یدی و شونینگدیک بو کبی ایشلرگه رخصت بیرمه‌یدی.
افغانستان سابق جمهور باشلیغی و سابق دولت ملی یره‌ش عالی کینگش باشلیغی عبدالله عبدالله، اوشبو هجوم نی قاره‌لشگه علاوه، سیاسی اداره‌لر نشانگه آلینیشی آقلنمسلیگینی بیلدیرگنلر.
افغانستان ده اسلام امیرلیگی ایکینچی مراتبه قدرت نی آلیشیدن کیین، بو ایکینچی مراتبه دیر که پایتخت ده دیپلوماتیک نهادلر نشانگه آلینماقده.
