پاکستان رسمی‌لری نینگ، اوشبو مملکت ناتینچ‌لیک‌لریده افغان‌لر نینگ قولی بارلیگیگه دایر ادعالری دوام اېتماقده اېکن، ینگی‌لیکده اوشبو مملکت نینگ مشهور یېتکرمه‌لریدن دان‌نیوز، پاکستان‌لیک طالبلر تحریکی نینگ افغانستان‌لیک آلتی اعضاسی مذکور مملکت خوفسیزلیک کوچلری تامانیدن اۉلدیریلگنینی ایتگن.
بو یېتکرمه پاکستان خوفسیزلیک منبع‌لریدن نقل قیلیب یازیشیچه، ۱۶ یاشر بیر ییگیت شامل بو آلتی کیشی ۲۸ فبروری، پاکستان خوفسیزلیک کوچلری تامانیدن اۉلدیریلگن.
اوشبو گزارش ده، مذکور آلتی کیشی خوست، پکتیا و لوگر ولایت‌لری اهالیسی دییلگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، ایش بیلرمان‌لر افغانستان فقرالری برابری‌ده پاکستان رسمی‌لری نینگ بو گَل ادعالری‌دن خواطر بیلدیره‌دیلر.
حربی ایش بیلرمان عزیز استانکزی نینگ ایتیشیچه: «پاکستان هردایم افغانستان دن باج آلیش اوچون اساس‌سیز بو کبی ادعالرنی قیله‌دی و افغان‌لر هېچ‌قچان چېزیغ اوتامانیده تی‌تی‌پی بیرگه‌سیده عملیات قیلمه‌گن و قیلمه‌یدیلر.»
باشقه تاماندن، اوشبو ایش بیلرمان‌لر پاکستان طالبلر تحریکی مسئله‌سی نازک‌لیگیگه اشاره قیلیب، اسلام امیرلیگی دن کابل و اسلام‌آباد مناسبتی اوچون خارجی سیاستی‌ده محتاط عمل قیلیشنی سۉره‌یدیلر.
بیزلرنینگ «ایکس» ترماغی ده هم تعقیب قیلینگ!
شونینگدیک اولر، پاکستان تی‌تی‌پی تهدیدلری و مسئله‌سی گه دایر اوشبو مملکت نینگ ایچکی قیینچیلیگی کبی دقت قیلیشی اۉستیگه تاکید اېته‌دیلر.
اسلام امیرلیگی، پاکستان عملدارلری نینگ ینگی ادعالری گه مناسبت بیلدیریب ایتیشیچه، سرپرست حکومت بو موضوع نی جدی شکلده تېکشیره‌دی.
سۉنگی کون‌لرده پاکستان دین عالم‌لریدن بیرقطاری، اسلام امیرلیگی «تی‌تی‌پی» نی پاکستان حکومتی بیلن صلح مذاکره‌لری میزی گه کېلتیریش اوچون تلاش قیله‌یاتگنینی اعلام قیلگن؛ بو سۉزلر حاضرگچه اسلام امیرلیگی تامانیدن تصدیق یا که رد بولمه‌گن.