اون آی‌لیک و اوچ یاشر ایکی باله‌سی قیزه‌میققه چلینگن «شازیه» اسملی آنه نینگ ایتیشیچه، باله‌لری پروان ولایتی تخصصی ۱۰۰ بسترلیک کسلخانه‌سیده بستری دیر. اونگه کوره، بو کسل‌لیک قوشنی‌لری نینگ باله‌لری دن او نینگ فرزندلری گه یوققن و آلدینی آلیش اوچون واکسین بولیش‌لری کیره‌ک.
شازیه نینگ ایتیشیچه، قیزه‌میققه چلینگن‌لر دستلب یوتله‌دی و کیین ایسه اسهال بولیب و ایسیته‌دی و نهایت تنه‌سی نینگ تیری سیده «قیزیل دانه‌لر» چیقه‌دی.
ایکی باله‌سی قیزه‌میققه چلینگن‌لردن باشقه بیری سحرگل، حکومت دن اوشبو کسل‌لیک نی آلدینی آلیش اوچون، قیشلاق‌لرده قیزه‌میققه قرشی واکسین کمپاینی یولگه قویلیشینی طلب قیله‌دی.
بیزلرنینگ فیسبوک صحیفه‌میزگه باش اورینگ!
باشقه تاماندن، طب بیلیم یورتی اوقیتووچیسی عزیزآقا عزیزی، باله‌لر نینگ قیزه‌میققه چلینیش عاملینی قیشلاق‌لرده‌گی باله‌لر واکسین بولمسلیگی عنوان قیلیب ایتیشیچه، طبی قانون_قاعده‌لر رعایت ایتیلمسلیگی مذکور کسل‌لیک کوپه‌یش عامل‌لریدن باشقه بیری دیر.
عین‌حالده، سلام‌وطندار بیلن صحبت اوتکزگن پروان تخصصی ۱۰۰ بسترلیک کسلخانه باشلیغی عبدالخلیل حیدری، اوشبو ولایت ده سونگی ایکی آی ده باله‌لر مثل‌سیز درجه ده قیزه‌میققه چلینگن‌لریدن خبر بیره‌دی.
پروان تخصصی ۱۰۰ بسترلیک کسلخانه باشلیغی گه کوره، قیزه‌میققه چلینگن باله‌لر سانی کوپه‌یگن حالده، اولر بستر آزلیگی بیلن روپه‌ره بولیب و طبی خذمت کورسه‌تیش جریانینی قیینچیلیک بیلن دوچ قیلیشی ممکن.
بیزلرنینگ توییترده هم تعقیب قیلینگ!
جناب حیدری، پروان ده قیزه‌میققه چلینگن‌لر سانی کوپه‌یش سببینی، باله‌لر نینگ واکسین بولمسلیگی دیب و مذکور ولایت ساغلیق‌نی سقلش ریاستیدن، اوشبو کسل‌لیک نی آلدینی آلیش اوچون واکسین کمپاینی یولگه قوییلیشینی سوره‌یدی.
ساغلیک ایشلری بوییچه ایش بیلرمان‌لر نینگ ایشانچی گه کوره، مسئوللر پروان ولایتی بویلب قیزه‌میققه قرشی واکسین قیلیش کمپاینینی یولگه قویمه‌ی و یشاوچیلر طبی قاعده‌لرنی رعایت قیلمه‌گن تقدیرده، مذکور کسل‌لیک مثل‌سیز درجه ده کوپه‌یب و یامان عاقبتی بولیشی ممکن.
