پروان یشاوچیلری، اوشبو ولایت‌ده بیش یاش قویی باله‌لر آره‌سیده یوقمه کسللیکلر کوپه‌یگنی‌دن خواطر بیلدیره‌دیلر.
پروان ملکی کسل‌خانه‌سی گه ایکی کسل باله‌سی نی درمان اوچون کیلتیرگن دره‌ی غوربند یشاوچیسی شمریز‌خان نینگ ایتیشیچه، باله‌لری دایم کسل دیر؛ چونکه شفاکارلر کسل‌لر نی درست شکلده درمان قیلیش اورنیده، کسل‌لر گه مسکن دارو‌سی نی بیره‌دیلر. اونینگ کوپه‌یتیریشیچه: «شفاکارلر کسل‌لر نی درست بیر شکلده معاینه قیلمه‌یدیلر و بوتون کسل گه پراستامول بیره‌دیلر. دارو یوق. دارو یازگن‌لری صورت‌ده هم، کسل‌خانه‌ده یوق و باشقه ییر گه باریب دارو آلگنی‌میز پیتده، بیر مینگ-۱۲یوز بوله‌دی. اوی دارو‌دن تولگن، بیراق کسل توزه‌لمه‌یدی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، پروان یشاوچیلریدن باشقه بیری عبدالقدوس نینگ ایتیشیچه، بیش ته کیچیک باله‌سی تورلی کسللیکلر گه چلینگن دیر، دارو‌لر نینگ کیفیتی قویی بولگنی و شفاکار یوقلیگی سبب، کسل‌لر نینگ یخشی بولمه‌سلیگی یانیده، شونینگدیک کون اوتیشی بیلن اولر نینگ سانی کوپه‌یه‌دی. «پروان ملکی کسل‌خانه‌سی گه مراجعت قیلدیک، فرزند‌لریم‌دن بیری چیچیک، بیریسی قیزه‌میق و باشقه بیریسی ایسه کله‌چرک گه چلینگن.» اونینگ کوپه‌یتیریشیچه، دارو‌لر ارزان بولگن نسخه کسل‌خانه ایچیده اجرا بوله‌دی و دارو‌لر بهاسی کوپ بولگن نسخه ایسه تشقی‌دن تیارلنیش کیره‌ک. مذکور پروان یشاوچیسی، پروان ملکی کسل‌خانه‌سیده کسل‌لر گه درست بیر شکلده قره‌لمه‌سلیگی‌دن شکایت قیلیب و ایتیشیچه: «کوپ یامان حالت‌ده بولمسه انسان کسلی نی بو ییرگه بستر قیلمه‌یدی.»
شونده‌ی بیرحالده، پروان ملکی کسل‌خانه باش‌داکتری عبدالخلیل حیدری نینگ سلام‌وطندار گه ایتیشیچه، اوتگن ایکی آی‌ده، تورلی یوقمه کسللیکلر گه چلینگن ۳ مینگ ۱۰۰دن آرتیق بیش یاش قویی باله، مذکور کسل‌خانه گه مراجعت قیلگن. او، اوز باشیمچه‌لیک شکلده دارو‌لر نینگ قوللنیلیشی، کیچیک یاش‌ده واکسین نینگ درست شکلده تطبیق بولمه‌سلیگی و عایله‌لر نینگ معلومات‌سیزلیگی، باله‌لر نینگ کسللیکلر گه چیلینیشی کوپه‌یگنی سبب‌لری عنوان قیله‌دی.
بیزلرنینگ توییترده هم تعقیب قیلینگ!
پروان ملکی کسل‌خانه گه درمان اوچون کیلتیریلگن باله‌لردن کوپینچه‌سی، ایچ کیتمه، دیهایدریشن، هپاتیت و قیزه‌میققه چیلنگن دیر.
حیدری گه کوره، وضعیت نینگ شو رقم دوام تاپگنی و یوقمه کسللیکلر گه چلینگن کسل‌لر گرافی یوقاری کیتگنی صورت‌ده، پروان ملکی کسل‌خانه‌سی، کسل‌لر نی بستر قیلیش گه امکانیتی قالمه‌یشی ممکن.
ساغلیق ایش بیلرمان‌لری نینگ ایشانچی گه کوره، مسئول نهاد‌لر، درست شکلده واکسیناسیون برنامه‌سی نی تطبیق قیلگنلری و عایله‌لر گه ساغلیق مسئله‌لر خصوصیده معلومات بیرگنلری صورت‌ده، یوقمه کسللیکلر نینگ کمه‌یشی ممکن.