پروان امنیه قوماندان‌لیگی مسئوللری، اوشبو ولایت نینگ بگرام تومنی حدودلریده بیر کیشی ابه‌سی نینگ اوغلی تامانیدن آتیب اولدیریلگنیدن خبر بیره‌دیلر.
پروان امنیه قوماندان‌لیگی سوزلاوچسی محمدکامران حبیبی اوشبو خبرنی تصدیقلب سلام‌وطندار گه ایتیشیچه، پنج‌شنبه کونی، ۲۸ ثور، قریب ۵۵ یاشر «کمال‌الدین» اسملی بیر کیشی ابه‌سی نینگ اوغلی «حضرت‌گل» اسملی شخص تامانیدن، کلاشینکوف رسوملی قورال بیلن آتیب اولدیریلگن.
بیزلرنینگ توییترده هم تعقیب قیلینگ!
جناب حبیبی واقعه گه دایر ایضاح کیریتمسه ده، بیراق امنیتی کوچلر مقتول نینگ جسدینی پروان ملکی کسلخانه‌سی گه انتقال بیرگن و واقعه اصلی عاملی برچه عایله اعضالری بیلن محل دن قاچیب و خوفسیزلیک کوچلر اولرنی قولگه آلیش مقصدیده سعی‌وحرکت قیلماقده دیدی.
پروان امنیه قوماندان‌لیگی سوزلاوچیسی، مذکور واقعه نی عایله‌وی جنجل عنوان قیلگن.