قندوز امنیتی مسئول‌لری‌نینگ ایتیش‌لریچه، امنیتی کوچلر دشت ارچی تومنی نینگ ایریم بولیمی نی طالبان گروهی نینگ نظارتیدن چیقارگن.
۲۱۷ پامیر قول اردو سوزلاوچیسی‌نینگ اورین باسری هادی جمال نینگ ایتیشیچه، بوگون (سه‌شنبه، ۲۷- عقرب) ایرته‌لب کماندولر مذکور تومن نینگ طالبان نظارتیدن چیقاریش اوچون خاص بیر عملیات باشله‌گن.
اونگه کوره، پولیس قومندانلیگی و تومن بناسی امنیتی کوچلرنینگ نظارتی‌گه اوتگن و شونینگدیک طالبان گروهی آرقه‌گه چیکیلماقده.
اونینگ معلوماتی‌گه کوره، بو آتیشمه‌لر عاقبتیده ۳۸ طالب هلاک ایتیلگن.
بیراق بیر منبع کیم لیگی سیرقالیشی‌نی ایسته‌ب ایتیشیچه، طالبان گروهی نینگ مسکین آباد، نوآباد منطقه‌لری و دشت ارچی تومن بازاری ده حضوری بار و اولر امنیتی کوچلر بیلن آتیشماقده.
شونده‌ی بیرحالده، اوتگن کون قندوز ولایت کینگش باشلیغی محمد یوسف ایوبی، مذکور تومن نینگ سقوط قیلیشیدن آگاه‌لنتیرگن ایدی.
