پنجشیرده «پارنده» برق توغانی، بوگون ۲۲-عقرب/۱۱-نومبر، پنجشنبه) اسلام امیرلیگی ییریک عملدارلرینینگ اشتراکی بیلن فایدهلنیشگه تاپشیریلدی.
اسلام امیرلیگی باش وزیرینینگ اقتصادی اورین باسری ملا عبدالغنی برادر، اوشبو توغاننینگ فایدهلنیشگه تاپشیریش مناسبتی بیلن اۉتکزیلگن تدبیرده، اسلام امیرلیگی افغانستان ترقیاتی و اۉزینی-اوزی تأمینلش اوچون حرکت قیلماقدهلیگینی بیلدیردی.
اسلام امیرلیگی حاکمیتیده، قیته قوریش و کتته لایحهلرنی عملگه آشیریش شعار اېمس بلکه عمل دیب قوشیمچه قیلدی، عبدالغنی برادر.
اسلام امیرلیگی اقتصادی اورین باسرلیگی، بو حکومت افغانستان برق ایشلب چیقریش ساحهسیده اۉزینی-اوزی تأمینلش گه سعی-حرکت قیلماقدهلیگینی تأکیدلهدی.
عبدالغنی برادر، سوداگرلر و سرمایه یاتقیزووچیلردن، افغانستانده صناعت جملهدن برق ایشلب چیقریش بولیمیده سرمایه یاتقیزیشلرینی سورهیدی.
افغانستان برق یېتکزیش کمپنیه (برشنا) عمومی باشلیغی عبدالباری عمر گه کوره، بو کمپنیه سۉنگی ییللرده جمهوریت وقتیدن ایشی یریم قالگن لایحهلرنی توگهتیش اوچون ۴۰ میلیون دالر صرفلهگن.
پنجشیر پارنده برق توغانی، قریب ۸ میلیون دالر عوضیگه قوریلگن و تورت میگاوات برق ایشلب چیقریش کوچیگه ایگه بولیب و افغانستاننینگ تورت مینگدن آرتیق اهالیسینی برق بیلن تأمینلهیدی.
