پنجشیر طبیعی آفت‌لرنی باشقریش ریاست مسئوللری، یامغیر یاغیشی نتیجه‌سیده دریا نینگ سووی تاشیشی باعث اوشبو ولایت نینگ دره و آبشار تومن‌لری قتناو یولی یاپیلگن.
پنجشیر معلومات و مدنیت باشلیغی نصرالله ملک‌زاده، مذکور ولایت نینگ طبیعی آفت‌لرنی باشقریش باشلیغی احمدضیا یزدانی دن نقل قیلیب سلام‌وطندار گه ایتیشیچه، پنجشیر ده نیچه کوندن بویان کوچلی یامغیر یاغیشی و سوو تاشقینی، ایکی تومن نینگ قتناو یولی یاپیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
جناب ملک‌زاده نینگ کوپه‌یتیریشیچه، دریا سووی تاشیشی عاقبتیده دره و آبشار تومن‌لری ده بیر قطار قیشلاق‌لر نینگ قتناو یولی اوشبو تومن مرکزی بیلن کیسیلگن.
عین‌حالده، پنجشیر طبیعی آفت‌لرنی باشقریش ریاست مسئوللری نینگ ایتیشلریچه، اولر ولایتی شاشیلینچ کمیته و باغلیق نهادلر اویغون‌لیگی بیلن، توسیلگن یوللر نینگ آچیش مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
شو بیلن بیرگه، دره تومنی اولسوالی محب‌الله عمری نینگ سلام‌وطندار گه ایتیشیچه، مذکور تومنده سوو تاشقینی باعث بیر کوپریک سوو آستیده قالگن و حاضر «قلعه اسفندیار، خواجه و عبدالله‌خیل» قیشلاق‌لری نینگ قتناو یولی یاپیلگن.
