«شهید وکیل فضل‌الرحمان سمکنی» کسل‌خانه‌سی پکتیا ولایتی نینگ سمکنی تومنیده ییرلشگن؛ شونینگدیک پتان، جانی‌خیل، لجه‌منگل، احمدخیل و میرزکه تومن‌لری نینگ کسل‌لری مذکور کسل‌خانه گه مراجعت قیله‌دیلر و اوشبو کسل‌خانه‌ده امکانات کم‌لیگی باعث، اهالی جدی قیین‌چیلیکلرگه یوزمه یوز بولگن.
مذکور تومن‌لر یشاوچیلری اوشبو کسل‌خانه ده دارو و امکانات کم‌لیگی‌دن شکایت قیلیب ایتیش‌لریچه، دارو و امکانات کم‌لیگی گه علاوه، داکترلر هم وظیفه‌لری‌گه وقتی‌ده بارمه‌ی و اوز شخصی فعالیت‌لری گه مشغول بولیش‌لری، اهالی نینگ قیین‌چیلیکلری‌گه کوپه‌یتیرگن و اولر نینگ ایتیش‌لریچه، اوشبو کسل‌خانه ده کادر متخصص کم‌لیگی باشقه قیینچیلیکلریدن بولیب مذکور تومن‌لر یشاوچیلری، کادر متخصص‌لری‌گه هم احتیاج‌لری بار.
شونده‌ی بیرحالده، «شهید وکیل فضل‌الرحمان سمکنی» کسل‌خانه مسئول‌لری نینگ ایتیش‌لریچه، مراجعه قیلووچی‌لرنینگ کوپ‌لیگی سبب، اولر بوتون کسل‌لر گه ییتیشه‌آلمه‌یدی‌لر. اولر نینگ کوپه‌یتیریش‌لریچه، بیرلشگن ملت‌لر تشکیلاتی نینگ باله‌لردن حمایت قیلووچی صندوغی (یونیسف) نینگ یاردمی بیلن اوشبو کسل‌خانه ده دارو قیین‌چیلیگی حل بولگن.
باشقه بیر تاماندن، «شهید وکیل فضل‌الرحمان سمکنی» کسل‌خانه رئیسی، داکترلر نینگ شخصی فعالیت‌لری نی رد قیلیب ایتیشیچه، کسل‌لر اوچون قولایلیکلر یره‌تیلگن و داکترلر رسمی زمان‌لرده کسل‌خانه گه حضورلری بار.
ایتیلیش کیره‌ک که، سابق دولت نینگ سقوط قیلگنی دن کیین، اهالی ولایت‌لردن قطاری‌ده دارو و تجهزات کم‌لیگی و ساغلیک خذمتلر نینگ وقتی ده ییتکیزیلمه‌گنی خصوصیده شکایت قیلیشگن‌لر.
