پاکستان اردوسی نینگ عمومی مناسبت‌لر اداره‌سی بیر بیانیه ترقه‌تیب، افغانستان چېگره‌سیدن ییتّی عصیانچی گروه پاکستان گه اۉتیش پیتیده اوشبو مملکت چېگره‌چیلری تامانیدن اۉلدیریلگنینی اعلام قیلگن.
بیانیه اساسیده، بو کیشی‌لر خیبرپختون‌خوا ایالتی شمالی وزیرستان ده پاکستان حربی کوچلری بیلن توقنشوو ده اۉلدیریلگن.
پاکستان اردوسی نینگ بیانیه‌سیده کېلیشیچه، بو مملکت نیچه مراتبه اسلام امیرلیگیدن پاکستان گه تهدید قیلیش اوچون عصیانچی گروه‌لر گه افغانستان توپراغیدن فایده‌لنیش گه رخصت بیرمسلیگینی اېسته‌گن.
بیزلرنینگ فیسبوک صحیفه‌میزگه باش اورینگ!
پاکستان اردوسی بیانیه‌سی نینگ بیر بولیمیده کېلیشیچه: «بو مملکت هردایم اسلام امیرلیگیدن چېگره‌لرینی یخشی باشقریشینی اېسته‌گن و پاکستان اسلام امیرلیگیدن بوتوغریده دقت قیلیب و پاکستان گه تهدید قیلیش اوچون عصیانچی گروه‌لر گه افغانستان توپراغیدن فایده‌لنیش گه رخصت بیرمسلیگی گه امیدوار اېدی.»
بیراق، اسلام امیرلیگی سۉزلاوچیسی اۉرین باسری حمدالله فطرت اوشبو ادعالر گه مناسبت بیلدیریب ایتیشیچه، اسلام امیرلیگی هېچ بیر گروه گه افغانستان توپراغیدن باشقه مملکت‌لرنی تهدید قیلیش گه رخصت بیرمه‌یدی.
اونینگ کوپه‌یتیریشیچه: «افغانستان ده هېچ بیر گروه گه فعالیت قیلیش رخصتی بیریلمه‌یدی و هېچ کیمگه هم باشقه مملکت‌لر گه تهدید قیلیش اوچون افغانستان توپراغیدن فایده‌لنیش گه اېزین بیریلمه‌یدی.»
بیزلرنینگ «ایکس» ترماغی ده هم تعقیب قیلینگ!
عین‌حالده، سیاسی ایش بیلرمان ویس ناصری گه کوره، اسلام امیرلیگی پاکستان قیینچلیک‌لری حلی اوچون بو مسئله نی دیپلماتیک یوللر بیلن حل قیلیشی کېره‌ک.
اونگه کوره: «افغانستان نینگ حاضرگی حاکم‌لری دنیا و منطقه نینگ اېستک‌لرینی صادقانه عملی قیلیب و بو معمالرنی دیپلماتیک یوللر بیلن حل قیلیشی کېره‌ک.»
پاکستان بوندن آلدین نیچه مراتبه اسلام امیرلیگی عصیانچی گروه‌لر اینیقسه پاکستان‌لیک طالبلر تحریکی (تی‌تی‌پی) گه باش پنه بیریب و اولر گه قرشی جدی اقدام قیلمسلیگینی ادعا قیلگن؛ بیراق اسلام امیرلیگی بو ادعالر گه جواب پاکستان ده‌گی ناتینچ‌لیک‌لر تامیری اوشبو مملکت ایچیده‌‌لیگینی اېتگن.
