پکتیکا ده دولتی ایشانچلی منبعلرنینگ سلاموطندارگه تصدیق قیلیشیچه، جمعه کیچه، ۲۵-میزان، اوشبو ولایت ارگون و برمل تومنلریگه پاکستان حربی رژیمینینگ اویوشتیرگن هوا هجوملری نتیجهسیده، ۱۲ کیشی «شهید» بولیب و قریب ۱۵ کیشی یرهلنگن.
مذکور منبعلرنینگ ایتیشلریچه، بو هجوم قربانلری آرهسیده عیاللر و بالهلر هم شامل دیر.
باشقه بیر تاماندن، پکتیکا ده محلی منبعلرنینگ ایتیشلریچه، شونینگدیک بو ولایتگه پاکستان حربی رژیمینینگ اویوشتیرگن هوا هجوملریده کریکت اویینچیلریدن قطاری هم «شهید» و یرهلنگنلر.
حاضرگچه اسلام امیرلیگینینگ مرکزی رسمیلری پاکستان حربی رژیمینینگ هوا هجوملری توغریسیده هیچ بیر نرسه دیمهگنلر.
اسلام امیرلیگی کوچلری و پاکستان حربیلری آرهسیدهگی توقنشوو، بیر هفته آلدین باشلنگن.
