پاکستان کوچلری آرقهلی خوست ولایتینینگ اوچ تومنیگه اویوشتیریلگن هجوملر عاقبتیده، کمیده اوچ کیشی «شهید» بولیب و باشقه سکیز کیشی یرهلنگن.
خوست ولایت مقامی سوزلاوچیسی مستغفر گربزنینگ ایتیشیچه، پاکستان اردوسی یکشنبه کیچه گربز، زازیمیدان و سپیره تومنلرینی نشانگه آلگن.
گربزنینگ کوپهیتیریشیچه، کیچه ساعت ۱۲:۰۰ ده گربز تومنی حدودلریده جایلشگن «نری» قیشلاغی هاوان اوقلری بیلن نشانگه آلینگن که نتیجهده، بیر عیال «شهید» بولیب و باشقه بیر عیال بیلن بیر باله یرهلنگن.
اونگه کوره، شونینگدیک کیچه ساعت ۰۹:۰۰ ده زازیمیدان تومنی بازاری، مرکزی کلینیک و عطاخیل قیشلاغی توپ دیسی اوقلری بیلن نشانگه آلینیب و اونینگ نتیجهسیده، بیر عیال شامل تورت کیشی یرهلنگن.
شونینگدیک باشقه بیر هجومده، خوست ولایتی سپیره تومنیده جایلشگن «افغان-دبی» منطقهسی، توپخانهای و هاوان هجوملری بیلن نشانگه آلینگن و بو هجوم نتیجهسیده، ایکی باله «شهید» و باشقه ایکی باله یرهلنگن.
