خوست ولایت مقامی سوزلاوچیسی مستغفر گربز، پاکستان آرقهلی ینه بیر مرته اوشبو ولایتنینگ بیر قطار حدودلری نشانگه آلینگنینی بیان قیلگن.
اونینگ ایتیشیچه، پاکستان اردوسی اوتگن کیچه خوست ولایتی گربز تومنیده جایلشگن «بریخیل» منطقهسیده، تینچاهالی اویلرینی نشانگه آلگن.
گربز گه کوره، پاکستاننینگ مذکور اقدامیگه جواب اسلام امیرلیگی کوچلری «غلامخان» منطقهسیده اوشبو مملکتنینگ حربی قلعهسیگه هجوم قیلگن.
پاکستان و اسلام امیرلیگی آرهسیدهگی توقنشوولر، اوچینچی حوت پکتیکا و ننگرهار ده تینچاهالی بولگن حدودلرگه بو مملکت آرقهلی هجوم اویوشتیریلیشی بیلن باشلهنیب و حاضرگچه دوامی بار.
افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، تامانیدن کورسهتیلگن رقم اساسیده، پاکستان و اسلام امیرلیگی آرهسیده توقنشوولر باشلنگنیدن حاضرگچه، ۵۷ تینچاهالی «شهید» و ۱۲۹ کیشی یرهلنگن که بو رقمدن ۵۵ فایزینی عیاللر و بالهلر تشکیل بیرهدی.
