امربالمعروف و نهی عن‌المنکر وزیرلیگی مسئوللری بوگون (سه‌شنبه، ۳۰-اسد)، امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییلده قریب ۱۰ مینگ شکایت نی ثبت و اولردن بیش‌مینگ‌دن آرتیغی نی حل قیلگن.
مذکور وزیرلیک تقنین و پلان بولیمی باشلیغی محب‌الله مخلص نینگ ایتیشیچه، شکایت‌لردن کوپینچه‌سی حقوقی، جزایی و جنایی بولیم‌لرده ثبت بولگن. اونینگ کوپه‌یتیریشیچه: «بیر ییلده ۹ مینگ ۸۰۸ شکایت مرکز و ولایت‌لرده ثبت بولگن که اولر ارا، ۵۴۸۶ ته‌سی حل بولگن و بیر مینگ ۳۶ شکایت خصوصیده هم ایش نینگ دوامی بار؛ مینگ ۱۰۹ شکایت هم تعقیب آستیده دیر.»
بیزلرنینگ «ایکس» ترماغی ده هم تعقیب قیلینگ!
جناب مخلص نینگ کوپه‌یتیریشیچه، اوتگن بیر ییلده ایکی عایله آره‌سیده‌گی قیین‌چیلیکلر حلی اوچون زیان کورگن عایله گه جبری شکلده ۳۳۸ مورد قیز نینگ تورموش گه چیقریلیشی و شونینگدیک ۲۹۵ مورد قیز نینگ ساتیلیشی مذکور وزیرلیک آرقه‌لی آلدی آلینگن. «مرکز و ولایت‌لرده ۷۸۹ مورد‌ده عیاللر میراث حقلریدن محروم قالگن ایدیلر و بو وزیرلیک اولر نینگ میراث حقلرینی بیرگن و عیاللر برابریده ۲ مینگ ۶۳۸ مورد زوره‌وانلیک آلدی آلینگن.»
امربالمعروف و نهی عن‌المنکر وزیرلیگی‌ده مسئوللر نینگ کوپه‌یتیریشلریچه، اوتگن بیر ییلده رادیو، تلویزیون و چاپی ییتکرمه‌لر ترقیاتی، ۹۰ فایز اصلاح بولگن و جمعیت نینگ اصلاح بولیشی مقصد، کابل و ولایت‌لرده اخلاق‌سیز ۳۰ مینگ فلم اورته‌دن کیتکزیلگن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک مسلکی و پالیسی معینی فقیرمحمد محمدی نینگ ایتیشیچه: «جمعیت‌ده یخشی اوزگریشلرنی کیلتیرگن‌میز؛ یوناما وزیرلیگیمیز گه بی‌جا گپلرینی ایتگنلر؛ اهالی، ایش بیلرمانلر و اصیل ییتکرمه‌لر حقیمیزده حقیقت‌لرنی ییتیشتیردیلر.»
۲۵ شراب‌خانه یاپیلیشی، ۴۴۸ تعویذیازووچیلر و ۵۲۸ جادوگر نینگ قولگه آلینیشی، ۲۱ مینگ ۳۲۸ موسیقه اسبابلری نینگ اورته‌دن کیتکزیلیشی و دولتی اداره‌لرده ۴۷۷ شکایت صندیغی نینگ قوریلگنی اوتگن بیر ییلده امر بالمعروف و نهی عن‌المنکر وزیرلیگی نینگ باشقه یوتوقلریدن دیر.
