اسلام امیرلیگی سرپرست حکومتی، بوگون (یک‌شنبه، ۱ اسد)، «دولت نینگ ملت گه حساب بیریش» دستورینی رسمی روشده باشله‌دی. ۱۴۰۲مالی ییل بودجه‌سی تصدیقلنمه‌گن بولسه ده، بیراق اسلام امیرلیگی دولت نینگ ملت گه حساب بیریش برنامه‌سینی باشله‌گن.
دولت نینگ ملت گه حساب بیریش بیرینچی برنامه‌سیده، سرپرست حکومت اقتصاد وزیرلیگی مسئوللری، اوشبو وزیرلیک نینگ ایش گزارشی و یوتوق‌لرینی میدیالر بیلن شریک قیلدی.
اقتصاد وزیرلیگی مسئوللری نینگ معلوماتی اساسیده، مذکور وزیرلیک اوتگن بیر ییل ده ۲۱ ته خارجی مؤسسه شامل ۳۷۶ ته ینگی نادولتی مؤسسه گه فعالیت جوازینی بیرگن.
بیزلرنینگ فیسبوک صحیفه‌میزگه باش اورینگ!
ینگی مؤسسه‌لر ثبت ایتیلیشی بیلن، حاضرگی کونده افغانستانده فعالیتی بولگن نادولتی مؤسسه‌لر سانی ایکی مینگ ۳۹۳ ته گه ییتگن و اولر ارا ۲۷۲ ته‌سی خارجی مؤسسه دیر.
شو بیلن بیرگه، اقتصاد وزیرلیگی مسئوللری نینگ ایتیشلریچه، اوتگن بیر ییل ده ۲۱۶ ته نادولتی مؤسسه فعالیتی بیکار قیلینگن و اولر ارا ۴ ته خارجی نادولتی مؤسسه شامل دیر.
عین‌حالده، اوشبو ییل جریانیده ایچکی و خارجی نادولتی مؤسسه‌لر نینگ عیال ایشلاوچیلری ایشلری تقیقلنیشی بیلن، قطار مؤسسه‌لر فعالیتینی توخته‌تگن یا که ایشلرینی کمه‌یتیرگن.
مذکور ییغیلیش ده اقتصاد وزیرلیگی سوزلاوچیسی عبدالرحمان حبیب، اوشبو وزیرلیک گه بیر میلیارد ۶۴۷ میلیون دالرلیک اوچ مینگ ۵۷۳ تطبیق ایتیش ریجه بیریلگنینی معلوم قیله‌دی.
او نینگ کوپه‌یتیریشیچه: «اوشبو پروژه‌لر ارا ایکی مینگ ۲۳۳ پروژه که ۶۲ فایز پروژه‌لرنی تشکیل بیره‌دی، ساغلیک، ایکینچیلیک، اجتماعی مصئونیت، آست قورمه، طبیعی آفت‌لر نی باشقریش، حکومتدارلیک و تعلیم و تربیه سکتورلریده ایشلری یکونلنیب و قالگن بیر مینگ ۳۴۰ ته پروژه ایشی دوام ایتماقده.»
بیزلرنینگ توییترده هم تعقیب قیلینگ!
معلومات‌لر اساسیده کونسه‌یین یشاوچیلر نینگ اقتصادی احوالی ترنگ‌لشماقده ایکن، بیراق اقتصاد وزیرلیگی گه کوره، اوتگن بیر ییل ده ایچکی ظرفیت و منبع‌لردن قوللـه‌نیب و نرخ_نوالرنی کنترول قیلگنلر.
اقتصاد وزیرلیگی نینگ مسلکی معینی عبداللطیف نظری گه کوره، اولر اوتگن بیر ییل ده مؤسسه‌لر نینگ فعالیتینی ترتیب گه سالیب و چیت ایل اولکه‌لر نینگ اقتصادی تحریم‌لرینی ییترلیچه خنثی قیلیشگه اولگورگن.
اقتصاد وزیرلیگی نینگ مسلکی معینی گه کوره: «بیز اقتصادی ترقیات نی مشروعیت بیر بولیمی اوله‌راق ایشلب چیقدیک، شونی اوچون برچه تلاش‌لر شونگه قره‌تیلگن.»
حاضرگی کونده مملکت اقتصادی قیینچیلیک بیلن دوچ ایکن، اقتصاد وزیرلیگی مملکت ده ۳۷۶ ته نادولتی ینگی مؤسسه گه فعالیت جوازی بیریلگنینی معلوم قیله‌دی.