بیرلشگن ملتلر تشکیلاتی خلق‌ارا آزیق-آوقت دستوری‌نینگ اعلام قیلیشیچه، اوتگن ییل اوشبو دستور ۹ میلیون‌دن آرتیق کیشی‌گه قوتقرووچی یاردم‌لر کورستگن.
خلق‌ارا آزیق-آوقت دستوری، ۱۴-حمل، پنج‌شنبه کونی اوز اکس صحیفه‌سیده یازیشیچه، افغانستان اهالی‌سی بو تشکیلات‌نینگ فعالیت‌لری مرکزی‌ده دیر. بو دستور اکس صحیفه‌سیده بیر ویدیو ترقه‌تیب، افغانستان اهالی‌سی‌نینگ آوازی‌گه قولاق توته‌یاتگنی‌نی تاکید‌له‌گن.
بیزلرنینگ «ایکس» ترماغی ده هم تعقیب قیلینگ!
بوندن آلدین بیرلشگن ملتلر تشکیلاتی‌نینگ خلق‌ارا آزیق-آوقت دستوری، افغانستان ده کیله‌سی آلتی آیده اوز فعالیت‌لری و «اونملی» یاردم‌لری‌نی سقلش اوچون، ۵۵۵ میلیون دالرگه عاجل نیازی بارلیگی‌نی ایتگن ایدی.
مذکور دستور‌گه کوره، عیاللر، باله‌لر و عایله‌لر اوچون اونملی دستور‌لر جمله‌دن عاجل آزیق-آوقت یاردم‌لری، توییب آوقت‌لنمه‌یدیگنلر‌نینگ دوالنیشی، اوقووچیلر‌نینگ آوقت‌لنتیریش و مملکت‌ده‌گی عیاللر گه کسب-هنر اورگه‌تیش، خوف آستیده دیر.
بیزلرنینگ فیسبوک صحیفه‌میزگه باش اورینگ!
خلق‌ارا آزیق-آوقت دستوری‌نینگ کوپه‌یتیریشیچه، حاضر ایسه مملکت‌ده ۱.۲ میلیون حامله و سوت بیره‌دیگن عیال، توییب آوقت‌لنمسلیک‌دن اذیت چیکیب و شاشلینچ دوالنیش و آوقت‌لنیش حمایتی‌گه نیازی بار.
