یاشنینگ یوقاری کیتیشی بیلن، یاشی کته بولگن عیاللر آرهسیده تورلیخیل جسمی و روحی تغییرلر اورته گه کیلهدی که بو تغییرلردن قطاری، جدی کسللیکلرگه سبب بوله آلهدی. سویک بوشهمهسی، دیسک کمر و اونیتیش کبی کسللیکلر، یاشی کته بولگن عیاللر آرهسیده اینگ کینگ ترقهلگن کسللیکلردن دیر.
ارتوپیدی متخصصلریدن قطارینینگ ایتیشلریچه، هورمون اوزگریشلری، ناتوغری آوقتلنیش، تن ساغلیگی توغریسیده توجهسیزلیک، سپورت قیلمسلیک واضافهوزن، یاشی کته بولگن عیاللرده سویک بوشهمهسی، دیسک کمر و اونیتیش کسللیکلری کوپهیشیگه سبب بولهدی. ارتوپیدی بولیمی شفاکاری ضیاءالدین ملکیارنینگ سلاموطندار گه ایتیشیچه، ژنتیکی تغییرلر یاشی کته بولگن عیاللرنینگ بو کسللیکلرگه چلینیش اصلی عامللریدن دیر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «یاشی یوقاری کیتیشی بیلن عیاللر اورتهسیده تاپیلهدیگن کسللیکلر سببی، کوپراق متابولیزم و ژنتیکی تغییرلر کمهیشی دیر. افغانستان ده اینگ کوپ ترقهلگن کسللیکلردن بیری سویک بوشهمهسی دیر. اوشبو کسللیکنینگ کوپینچه سببلری بار که اینگ اساسی سببی استروژن هورمونی کمهیشی دیر. اونینگ آلدی آلینیشی اوچون کلسیم و ویتامین کمهیشیگه توجه قرهتیلیشی همده یوگا و وزنه بیلن بولهدیگن سپورتلر قیلینیشی کیرهک.»
مذکور شفاکارنینگ اورغولشیچه، عیاللر توغری آوقتلنیش و دایمی شکلده سپورت قیلیش بیلن بو کسللیککه چلینیشدن قوتقره آلهدیلر. «تن وزنی، سپورت و توغری آوقتلنیش آرتروزنی کنترول قیلیشده اونملی دیر. کم قیلهدیگنیمیز هر بیر کیلوگرام وزن، بیل، گردن و تیزهدن تورت کیلوگرام وزننی کمهیتیرهدی. قویاش و سپورتنی حیاتیمیزنینگ بو بولیمی صفتیده قرار بیریشیمیز کیرهک.»
باشقه بیر تاماندن، روانشناسلردن بیری سویتا حبیبینینگ ایتیشیچه، روحی قیینچیلیکلر، تشویش، افسردهلیک و اویقو بوزیلیشی، عیاللرده اونیتیش کسللیگیگه سبب بولهدی. اونینگ کوپهیتیریشیچه: «یائسگی دورهسیده استروژن و پروژسترون سطحی کمهیشی، عیاللر روحی گه سلبی تاثیر قیله آلهدی. شونینگدیک عامللریدن باشقه بیری اوزینی یالغیز حس قیلیش دیر که عیاللردن قطاری اوزلرینی یالغیز حس قیلهدیلر و اجتماعی مناسبتلرینی کمهیتیرهدیلر.»
بانو حبیبینینگ اورغولشیچه، حیاتده منظم بیر برنامه و اجتماعده ساغلام مناسبت ایگه بولیش، یاشی کته بولگن عیاللرنینگ اونیتیش کسللیگیگه چلینمسلیگی توغریسیده یاردم بیره آلهدی. «بو کسللیک آلدی آلینیشی اوچون منظم بیر برنامه توزته آلهدیلر. اجتماعی مناسبتلرینی سقلهسینلر. دوستلری، یقینداشلری و روانشناسلردن مصلحت آلیش یاردم بیره آلهدی. باشقه بیر قیینچیلیک اویقوو بوزیلیشی دیر که عیاللر آرهسیده یاش یوقاری کیتیشی بیلن اورته گه کیلهدی.»
لوگر یشاوچیسی و نیچه مدتدن بویان سویک بوشهمهسی کسللیگیدن اذیت چیکهدیگن فوزیهنینگ ایتیشیچه، دی ویتامینی کملیگی سویکلریده آغیریقنینگ کوپهیشی و کوندهلیک ایشلرینی قیله آلمسلیگیگه سبب بولگن. اونینگ کوپهیتیریشیچه: «اوچ ییلدن بیری ایاغ آغریقمین. شفاکار گه باردیم و سویک بوشهمهسیگه چلینگنسین، کوپ ایشلمه، کوپ یوریمه دیدی. دارو ییگنیمده یخشی بولهمن و دارو ییمهگنیمده ایسه ینه آغریدی.»
بیزلرنینگ «ایکس» ترماغی ده هم تعقیب قیلینگ!
۴۵ یاشر راضیهنینگ ایتیشیچه، حیات قیینچیلیکلری باعث روحی قیینچیلیککه چلینگن. اونینگ کوپهیتیریشیچه: «سونگی ییللر ایچیده تورموش اورتاغیمنی قولدن بیردیم. بالهلریمگه قرهب اذیت چیکهمن. شفاکار گه باردیم، تشویش قیلمه و دارولرینگدن فایدهلن، انشاءالله یخشی بولهسین دیدی.»
ایتیش کیرهک که، دایمی استرس، افسردهلیک و ناساغلام حیات طرزی، سویک بوشهمهسی، دیسک کمر و اونیتیش کسللیکلریگه چلینیش خوفینی کوپهیتیره آلهدی. توییب آوقتلنمسلیک، دی ویتامینی و کلسیم کملیگی و بدنی فعالیتلر آزلیگی کبی عامللر، سویک بوشهمهسیگه سبب بولهدی.
