کابلده بیر قطار خاتین-قیزلر محصولاتلرینی ساتیش و عیاللر باشقرووی بیلن کورگزمهلرنی اوتکزیش مقصدیده بازارنی آچیش گه ییغیلگنلر؛ بو بازارنینگ خریدارلری عیاللر و ایرککلر بولیب و اصلی مقصدی، تدبیرکار عیاللرنی قۉللب-قوتلش دیر.
تدبیرکار ۳۳ یاشر سمیره محمدی، بوگون (۱۸-ثور، پنجشنبه) خاتین-قیزلر اوچون اختصاص بیریلگن پنجشنبهبازار و جمعهبازارنی کابل شهری پرژه تایمنی اوچینچی سرکیده آچگن. بو بازار ۵۰ ساتووچی عیالنینگ حضوری بیلن آچیلگن و تدبیرکار عیاللرنینگ ایشلب چیقرگن محصولاتلری سوداسی اوچون یخشی جای حسابلنهدی.
محمدی گه کوره، بو ایشدن مقصد آز امکانیت بیلن تدبیرکار عیاللر گه امکانیت یرهتیش و اولر اۉز محصولاتلرینی ساتیش اوچون مناسب و تینچ فضا یرهتیش بولگن.
بیزلرنینگ فیسبوک صحیفهمیزگه باش اورینگ!
بو بازار اینیقسه عیاللر نینگ سودا-ساتیغی اوچون یخشی امکانیت دیر.
اونینگ کوپهیتیریشیچه: «مین کوپ ییللردن بیری قیزیقهمن، خواهلهگن اېدیم عیاللر اوچون علیحده بازار بولسین. شوندهی بازار بولسین که اولر بوتون خریدلرینی عیاللردن آلالسهلر، پنجشنبهبازار و جمعهبازاردن باشلهدیک و یکشنبه بازارنی کارتهنو، دوشبنهبازارنی شهر نو گه آچیشنی اېستهیمیز.»
بو بازارده، خاتین-قیزلر قول صناعتی، افغانی سنتی کییملر و تورلی محلی طعاملر بیلن فعال اشتراک اېتگنلر اولر بو بازار و کورگزمهنینگ تشکیل اېتیلیشیدن ممنون اېکنلیکلرینی بیلدیریب، اونی عیاللرنی اقتصادی جهتدن کوچلنتیریش و محلی محصولاتلرنی رواجلنتیریش یولیده مهم قدم دیب بهالهیدیلر.
اویمهکارلیک تاشلرنی ایشلب چیقریش ساحهسیده فعالیتی بولگن تدبیرکار عیاللردن بیری ثریا محمدی، بو گَل بازارلر شکللنیشی محصولاتلری ساتیلیشی اوچون مثبت تأثیر قیلیشینی اېتهدی. «بوندهی کورگزمهلرنی تشکیل اېتیش عیاللر اوچون ایش امکانیتلرینی یرهتهدی، بیز اۉز مجازلریمیزنی تاپه آلهمیز، اولر بیلن شرطنامهلر توزیب، محصولاتلریمیزنی ساتیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
تدبیرکار عیاللردن باشقه بیری آمنه میرزایی، اۉزی و باشقه بیرقطار عیاللرنینگ قول صناعتینی ساتیش اوچون پنجشنبهبازار و جمعهبازار گه آلیب کېلگن ایتیشیچه، بو کبی مکانلر، عیاللرنینگ ایشی یخشیلنیشی اوچون امید بخیشلهیدی. «حاضر جوده خورسند من و بو تشبثنی آلقیشلهی من، امید قیلهمیز که بو کبی کورگزمهلر تشکیل اېتیلسه و عیاللر ایرکین محیط گه چیقه آلسهلر، انچه وقتدن بیری کورگزمهمیز یوق اېدی، اېندی اېسه استه-سیکین امید و یاروغلیک پیدا بولهیپتی.»
اوشبو بازار گه تشریف بویرگنلردن پریسا، تدبیرکار خاتین-قیزلرنینگ قۉللب-قوتلش اوچون بو گَل مکانلر آچیلیشینی مثبت بهالهیدی.
اونینگ ایتیشیچه: «شو ییردن اوتهیاتگن اېدیم کوردیم جوده گوجوم، عیاللر محصولاتلرینی آلیب کېلیشگن، جوده خورسند بولدیم، بوندهی بازارلر آچیلسه بو نهفقط تدبیرکار عیاللر اوچون فایدهلی دیر، بلکه بیز کبی خریدارلر اوچون هم قولی بولهدی، محصولاتلرنی آسان تاپه آلهمیز.»
سۉنگی ییللرده عیاللرنینگ اجتماعی و اقتصادی ساحهلرده اشتراک اېتیشیگه قوییلگن چېکلاولرنینگ آرتیشی بیلن، کوپلب عیاللر قالگن کم سانلی امکانیتلردن، مثال اوچون قول صناعتی و کیچیک سودا آرقهلی درآمد تاپیش گه حرکت قیلماقدهلر.
