امارتی شرکتلر عمومی ریاستی مسئوللری، بوگون (یکشنبه، ۱-میزان)، اوشبو ریاست نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، حاضر ۴۲دن آرتیق امارتی شرکت تورلی بولیم‌لرده فعالیت قیلماقده و مذکور شرکت‌لرده ۳۵ مینگ‌دن آرتیق کیشی ایسه ایش بیلن شغللنگن.
امارتی شرکتلر عمومی ریاستی سرپرستی احمدجان بلال نینگ ایتیشیچه، اوتگن بیر ییلده افغانستان برق ییتکزیش شرکتی (برشنا)، بیر میلیون ۲۰۶مینگ‌دن آرتیق میگاوات برق تولید قیلگن. اونینگ کوپه‌یتیریشیچه: «اوتگن بیر ییلده برق ایشلب چیقرووچی شرکتلر، بیر میلیون ۲۰۶ مینگ‌دن میگاوات برق تولید قیلگنلر و ۵ میلیون ۶۷۲ مینگ میگاوات برق هم قوشنی مملکت‌لردن وارد بولگن. امارتی شرکتلر دایره‌سیده بیزگه قوشیلگن برچه شرکتلر، ۴۲ ته شرکت دیر و شرکتلردن قطاری نینگ قیته قوریلیش ایشی هم دوام قیلماقده.»
بیزلرنینگ «ایکس» ترماغی ده هم تعقیب قیلینگ!
برشنا شرکتی اجرایی باشلیغی عبدالباری عمر نینگ ایتیشیچه، اولر ایچکی منبع‌لردن قوللنیش بیلن کیله‌سی ایکی ییلده کابل و اونینگ قوشنی ولایتلری برقی نی ۲۴ ساعته قیلیش گه سعی‌وحرکت قیلماقده.
جناب عمر نینگ کوپه‌یتیریشیچه: «کیله‌سی ایکی ییلده کابل و کابل گه یقین ولایت‌لرده برقی نینگ ۲۴ ساعته بولیشی کیره‌ک، بو یوزدن ایچکی منبع‌لردن قوللنیش بیلن برق نینگ کوچلی و ۲۴ ساعته قیلیش گه سعی‌وحرکت قیلماقده‌میز.»
باشقه بیرتاماندن، نفت و گاز شرکتلر نینگ اجرایی باشلیغی محمدنصیر رحیمی گه کوره، اوتگن بیر ییلده امارتی شرکتلر آرقه‌لی ۲۷۰ مینگ تُن‌دن آرتیق نفت و گاز مملکت ایچیده تولید و قریب ۳ میلیون تُن نفت و گاز هم تشقی مملکت‌دن وارد بولگن.
بیزلرنینگ فیسبوک صحیفه‌میزگه باش اورینگ!
جناب رحیمی نینگ کوپه‌یتیریشیچه: «۲ یریم-۳ میلیون تُن نفت و گاز وارد قیلگن‌میز؛ اوتگن ییلده ۸۵ تیل ساتیلیش مغازه‌میز بار ایدی و حاضر ۱۱۷ تُن گه ییتیشگن و کیله‌جگده بویوک شهرلرده بونی کوپه‌یتیرماقچین‌میز؛ بیر قطار قیین‌چیلیکلر بار، نفت بولیمی‌ده بندرلرده‌گی لابراتوارلر ییترلی ایمس و کوپینچه بودجه گه نیاز بار.»
۳۰دن‌آرتیق بهالی و بی‌بها حجتلرنی نی دیزاین‌لش، تورکیه گه ۹۰ تُن‌دن آرتیق کِشته نینگ صادر بولیشی و تورت مینگ ۴۳۰ تُن‌دن آرتیق اصلاح بولگن بوغدای اوروغی نینگ تولید بولگنی، امارتی شرکتلر نینگ بیر ییل‌لیک باشقه یوتوقلریدن دیر.
