پکتیا دندپتان تومنی نینگ معارف مدیریت مسئوللری گه کوره، پاکستان حربی‌لری آغیر قوراللر بیلن اوشبو تومن‌ده یشش اوی‌لر نی هدف قرار بیرگنیدن کیین، یوزلرچه عایله یشش محل‌لریدن کوچیش گه مجبور بولیب و شونینگدیک مینگ‌لرچه اوقووچی ایسه تعلیم پروسه‌سی‌دن محروم بولگن دیر.
دندپتان تومنی معارف مدیری اصیل‌محمد واحد‌یار نینگ ایتیشیچه، نیچه کون‌دن بیری اسلام امیرلیگی کوچلری بیلن پاکستان حربی‌لری آره‌سیده یوز بیرگن آتیشمه سبب، مذکور تومن نینگ سکیز‌ته باشلنگیچ و اورته مکتب‌لری یاپیلیب و ییل‌لیک سیناو‌لری هم آرتگه قالگن.
بیزلرنینگ توییترده هم تعقیب قیلینگ!
اونگه کوره، توپلم تورت مینگ ۳۲۷ اوقووچی اوشبو مکتب‌لرده تعلیم کوره دیلر.
شونده‌ی بیرحالده، مذکور تومن‌ده ۷ دینی مدرسه نینگ فعالیتی توخته‌گن که، اوشبو مدرسه‌لرده بیر مینگ و ۵۰۰ طلبه بار ایکن.
عین حالده، کمیده بیر هفته آلدین پکتیا نینگ دندپتان تومنیده اسلام امیرلیگی نینگ چیگره کوچلری و پاکستان حربی‌لری آره‌سیده آتیشمه یوز بیرگن دیر.
پکتیا خوفسیزلیک مسئوللری گه کوره، اسلام امیرلیگی کوچلری بیلن پاکستان حربی‌لری آٰره‌سیده یوز بیرگن آتیشمه، اسلامی امیرلیگی کوچلری چیگره پوسته‌لریدن بیریده سرک توزه‌تیشلری چاغده، پاکستان حربی‌لری تامانیدن هجوم بولگنیدن کیین، باشلنگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، دند‌پتان‌ده محلی منبع‌لر نینگ سلام‌وطندار گه ایتیش‌لریچه، ایکی تامان آره‌سیده‌گی جنجل‌لر نی حل قیلیش اوچون یولگه قویلگن ییغین‌لرده پاکستان طرفی ایتگن که، چیگره‌ده تیکان‌لی سیم‌لر نی آلگنلریدن کیین، ییرلریدن بیر بولیمی افغانستان تامانیده قالگن دیر.
مذکور جنجل‌لر نینگ حل قیلیش اوچون، نیچه مرته ایمی تامان نماینده‌لری آره‌سیده ییغین‌لر اصورت تاپگن؛ بیراق نتیجه بیرمه‌گن.
