عمان پایتختی مسقطده افغانستان ایلچیخانهسی، ۳۳ افغانستانلیک محبوس اوشبو مملکتنینگ قماقخانهلریدن قوییب یوباریلگنیدن خبر بیردی.
اوشبو ایلچیخانه، ۲۶-سنبله، چهارشنبه کونی ایکس صحیفهسیده بیر بیانیه ترقهتیب، بو محبوسلر عمان پادشاهسی میثم بن طارق تامانیدن عفو ایتیلگنینی بیلدیرگن.
بیانیهنینگ بیر قسمیده شوندهی دیب یازیلگن: «عمانده افغانستان اسلام امیرلیگی ایلچیخانهسی اوشبو مملکتنینگ ایزگو و انسان پرورانه حرکتینی قدرلهیدی.»
عمانده افغانستان ایلچیخانهسی گه کوره، بو حرکت اسلام امیرلیگی و عمان اورتهسیدهگی مناسبت مستحکملنیشیگه آلیب کېلهدی. اوشبو ایلچیخانه، بو کیشیلر کېلهسی کونلرده افغانستان گه قیتریلیشلرینی معلوم قیلگن.
بوندن آلدین هم، ۹ افغانستانلیک عمان پادشاهسی تامانیدن عفو ایتیلگچ بو مملکت قماقخانهلریدن قوییب یوباریلیب و افغانستان گه قیتریلگن ایدیلر.
