ینگی دهلیده اسلام امیرلیگی ایلچیخانهسی سرپرستی نوراحمد نور، هندوستان تشقی ایشلر وزیرلیگیده پاکستان، افغانستان و ایران بولیمی عمومی باشلیغی آنند پراکاش بیلن اوچرهشیب و ایکی تامانلمه موضوعلر توغریسیده صحبت قیلگن.
اسلام امیرلیگی ایلچیخانهسی، اوتگن کون کیچ قورون (۲۲-جدی/ ۱۲-جنوری، دوشنبه)، اکس صحیفهسیده بیر بیانیه آرقهلی یازیشیچه، اوشبو اوچرهشووده سیاسی و اقتصادی مناسبتلر، تجارت کوچهیشی و ویزا بیریلیش جریانیده آسایشتهلیک یرهتیلیشی توغریسیده صحبت بولگن.
بیانیه اساسیده، شونینگدیک ایکی تامان هندوستان دهگی یشاوچیلر، طلبهلر و سوداگرلر قیینچیلیکلری حقیده صحبت قیلگن.
اسلام امیرلیگی ایلچیخانهسینینگ کوپهیتیریشیچه، مذکور اوچرهشووده اسلام امیرلیگی و هندوستان رسمیلری ایکی تامانلمه مناسبتلر کوچهیشی و قوشمه همکارلیکلر مستحکملنیشیگه تاکید قیلگن.
سونگی آیلرده اسلام امیرلیگی و هندوستان آرهسیدهگی مناسبتلر کوچهیماقده و ینگیلیکده هندوستان دولتی ینگی دهلی ده افغانستان ایلچیخانهسیده اسلام امیرلیگی سرپرستینی قبول قیلگن. بوندن آلدین افغانستان ایلچیخانهسی سابق حکومت دیپلماتلری آرقهلی اداره بولهر ایدی؛ لیکن مذکور ایلچیخانه ۲۰۲۳-ییل بیرینچی اکتبردن اوز فعالیتینی توختتگن.
