خلق‌ارا ییتکیرمه‌لر نینگ معلوماتی اساسیده، هندوستان ده یک‌شنبه کونی، ۷-عقرب، عصر چاغی، ایکی تیمیر یول نینگ توقنشووی عاقبتیده کمیده ۱۳ کیشی هلاک بولیب و قریب ۵۰ کیشی یره‌لنگن.
معلومات‌لر گه کوره، اوشبو حادثه هندوستان جنوبی آندرا پرادش ایالتی « ویزیاناگارام» منطقه‌سی ده یوز بیرگن.
بیزلرنینگ فیسبوک صحیفه‌میزگه باش اورینگ!
هندوستان شرقی ساحلی تیمیر یول ایشلری بوییچه عمومی مدیری بیسواجیت ساهو، مذکور واقعه «انسانی خطا» عاقبتیده یوز بیرگنینی معلوم قیلگن.
او نینگ کوپه‌یتیریشیچه: «اوشبو حادثه عاقبتیده ۳۳ قطار حرکتی بیکار قیلینیب و باشقه ۲۲ قطار یوللرینی اوزگرتیریش گه مجبور بولگن.»
هندوستان دنیا ده تیمیر یولی کوپ بولگن مملکت‌لردن سنله‌دی، هر کونی میلیون‌لرچه کیشی تیمیر یول آرقه‌لی سفر قیله‌دیلر.
بیزلرنینگ «ایکس» ترماغی ده هم تعقیب قیلینگ!
نیچه آی آلدین، هندوستان نینگ شرقی ایالتی ده اوچ تیمیر یول توقنشووی عاقبتیده، ۲۹۲ کیشی هلاک بولیب وباشقه مینگ‌لرچه کیشی یره‌لنگن بیرحالده، بو توقنشوو یوز بیرگن.
