مملکت بویلب رادیولر اقتصادی قیینچیلیک و چیکلاولر طفیلی ایریم قیینچیلیک‌لر بیلن دوچ بولگن بیرحالده، افغانستان ده ۱۳ فبروری، خلق‌ارا رادیو کونیدن نشانلنگن.
پایتخت کابل و باشقه ولایت‌لرده قطار رادیولر مسئوللری نینگ سلام‌وطندار گه ایتیشلریچه، اسلام امیرلیگی تامانیدن ییتکیرمه‌لر گه یره‌تیلگن چیکلاولر و اقتصادی قیینچیلیک، افغانستان ده رادیو نشراتی کمیتی و صفتی اوستیگه سلبی تاثیر قیلیشی گه سبب بولگن.
کابل ده «چنار رادیو»سی نینگ نشرات مدیری عصمت‌الله حلیم و جوزجان ده «ارمغان رادیو»سی نینگ مدیر مسئولی رسول سرداش، رادیولر نینگ اقتصادی قیینیچلیگی باعث کیله‌سی ییللرده رادیولر نینگ فعالیت گه دوام بیریشی گه ایشانمسلیک‌لرینی ایته‌دیلر.
بیزلرنینگ فیسبوک صحیفه‌میزگه باش اورینگ!
عصمت‌الله حلیم نینگ ایتیشیچه: «اقتصادی قیینچیلیک باعث مسلکی و اساسی اعضالریمیزنی قولدن بیردیک. رادیولر خادم‌لری نینگ آی‌لیک‌لرینی تامینلش توانی یوق. بو وضعیت کمیت اوزگریشی گه سبب بولیب اوچ کیشی اورنیده بیر کیشی ایشله‌یدی؛ دستورلر سانی کمیه‌دی؛ تخنیکی جهازلر ضعیف؛ چونکه بویوک ترانسمیتر اوچون برق تامینلش توانی‌میز یوق.»
رسول سرداش نینگ کوپه‌یتیریشیچه: «… اقتصادی منبع یوق‌لیگی نشرات نینگ کمیت و صفتی اوستیگه سلبی تاثیر قیلگن.» رادیولر نینگ بیرقطار خادم‌لری گه کوره، رادیولر نینگ ایشیتّیریش گه یره‌تیلگن چیکلاولر و اقتصادی یامان احوال باعث تینگلاوچیلر رادیونی ایزله مسلیکّه سبب بولگن.
کابل ده رادیولردن بیری نینگ نطاقی معصومه گه کوره: «چیکلاو و تحریم‌لر رادیولر نینگ ایشلش اسلوبی اوستیگه تاثیر قیله‌دی. بو احوال مالی حمایت‌لر کم بولیشی گه سبب بولگن و رادیولر کینگ کولمده یایین بیره آلمه‌یدیلر؛ ایزلاوچیلری هم کونسه‌یین کم بولماقده.»
بیزلرنینگ «ایکس» ترماغی ده هم تعقیب قیلینگ!
افغانستان ایرکین ژورنالیست‌لر اتفاقی نینگ معلوماتی اساسیده، افغانستان بویلب حاضر ۲۵۰ دن آرتیق رادیو فعالیت قیلماقده.
مذکور اتفاق اورین باسری فرهاد بهروز نینگ سلام‌وطندار گه ایتیشیچه: «حاضرگی کونده افغانستان بویلب ۲۵۷ رادیو فعالیت قیلماقده. سونگی ایکّی ییل ده ۱۹ رادیو قوریلگن و ۲۴ رادیو ایشیتّیریش‌لرینی قیته باشله‌گن. اوتگن بیر ییل ده توقیز رادیو نینگ فعالیتی توخته‌گن و باشقه ییتّی رادیو قیته دن ایشیتّیریش گه باشله‌گن.»
رادیو، افغانستان یشاوچیلری آره‌سیده طرفداری کوپ بولگن ییتکیرمه سنله‌دی، ایشیتووچیلر نینگ ایشانچی گه کوره، رادیو دستورلرینی ایزلش اوتمیش خاطره و صمیمیت‌لرینی جانلنتیره‌دی.
رادیو مخلص‌لریدن همایون گه کوره، قریب ۱۵ ییل دن بیری رادیو دستورلرینی ایزله‌یدی. «کوپراق قدیمی دستورلر و قدیمی عنعنه‌لرنی جانلنتیره‌دی؛ سابق برق یوق ایدی و صمیمیت کوپ ایدی؛ برچه‌میز توپلنیب رادیو دستورلرینی ایزلر ایدیک.»
خلق‌ارا رادیو کونی مناسبتی بیلن معلومات و مدنیت وزیرلیگی، افغانستان ده رادیولر نینگ قوللب-قوتلشیدن ایشانچ بیره‌دی. حاضر افغانستان بویلب ۲۷۰ عیال شامل ایکی مینگ کیشی رادیو‌لرده ایشله‌یدی.
