بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسی یا-ده اوچانینگ ایتیشیچه، افغانستان اوچون اجرهتیلگن یاردملر بودجهسی سیزیلرلی درجهده کمهیشی سبب، انسانسیورلیک یاردملرنینگ ترقهتیلیشینی اولویتبندلیک قیلگن.
اوچا، بوگون (۲۳-ثور، سهشنبه)، اکس صحیفهسیده یازیشیچه، انسانسیورلیک یاردملرنی قولگه کیلتیریشگه نیازی بولگن بیرینچی گروه، ۱۲.۵ میلیون یشاوچیدن عبارت دیر.
بیزلرنینگ فیسبوک صحیفهمیزگه باش اورینگ!
ارائه بولگن معلومات اساسیده، بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسی ۱۲ میلیون کیشیگه یاردم بیریش اوچون، بیر میلیارد ۶۲۰ میلیون دالر گه نیازی بار.
گزارشده کیلیشیچه، بودجه کملیگی سبب اوچا نیازمند بولگن ۴۰۱ تومندن یالغیز ۱۴۵ تومننی اولویتده بولگن منطقهلر صفتیده تانیب و تعیین قیلگن.
بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسیگه کوره، ۲۰۲۵-ییلده ایستهلگن بودجهدن قنچهسینینگ قولگه کیلتیریشی حاضرگچه بیللی ایمس.
بیرلشگن ملتلر تشکیلاتینینگ معلوماتی اساسیده، جاری میلادی ییلده افغانستان ده قریب ۲۳ میلیون کیشینینگ انسانسیورلیک یاردملرگه نیازی بار.
باشقه بیر تاماندن، بیرلشگن ملتلر تشکیلاتینینگ باشکاتبی اورینباسری، بوندن آلدین افغانستان ده یاردم بودجهسی کملیگیدن خواطر بیلدیرگن.
بیزلرنینگ «ایکس» ترماغی ده هم تعقیب قیلینگ!
یاردملر گه نیازمندلیک سانینینگ یوقاریلیگی و بودجه کملیگی توغریسیده جواب اولاقراق، اسلام امیرلیگی اقتصاد وزیرلیگی دایم یشاوچیلرنینگ نیازلری تامینلنیشی اوچون یاردملر کیرهکلیگیگه تاکیدلب، بیراق ایتیشیچه، مذکور یاردملرنینگ افغانستان آستقورمهلری رواجلنیشیگه قرهتیلیشی کیرهک.
شونینگدیک اقتصاد وزیرلیگینینگ ایتیشیچه، افغانستان ده اقتصادی وضعیت یخشیلنیشی اوچون آز مدتلی و اوزون مدتلی برنامهلرنینگ قولگه آلینیشی کیرهک که اولرنینگ عملگه آشیریلشی بیلن، اهالینینگ اقتصادی وضعیتی یخشیلنهدی.
