بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا)، افغانستان شرقیده یوز بیرگن زلزلهدن ۱۲ مینگ کیشینینگ تاثیرلنگنی نی معلوم قیلگن.
اوچانینگ بوگون (۱۱-سنبله، سهشنبه)، گزارش بیریشیچه، زلزله نتیجهسیده کنر، لغمان، ننگرهار و نورستان ولایتلریده کمیده ۸۰۰ کیشی قربان بولیب و قریب ۲ مینگ کیشی یرهلنگن.
بیرلشگن ملتلر تشکیلاتینینگ کوپهیتیریشیچه، مذکور کیشیلردن کوپ قطاری اوزاق تاغلی منطقهلرده حیات کیچیرهدیلر و اصلی یوللر ییر سیلجیشی طفیلی یاپیلگن.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی، زلزله تلفاتینینگ دستلبکی رقملریگه اشاره قیلیب و ایتیشیچه، جبرلنگن بولیملرگه قوتقروو گروهلرنینگ ییتیشیشی بیلن بو رقملر کوپهیشی ممکن.
بیزلرنینگ فیسبوک صحیفهمیزگه باش اورینگ!
اوچانینگ کوپهیتیریشیچه، یاردم بیرووچی گروهلر زیان ییتیشگن ساحهلرده، جبرلنگن کیشیلرگه یاردم بیریش بیلن مصروفلر.
یکشنبهدن دوشنبهگه اوتر کیچه، ۹-سنبله، مملکتنینگ شرقی ولایتلریدن قطاریده آلتی درجه ریشترلیک زلزله یوز بیریب و کنر ایسه کوپینچه جانی و مالی تلفات کورگن.
اسلام امیرلیگینینگ معلوماتی اساسیده، فقط کنر ولایتیده ۸۰۰ کیشی اولیب و ایکیمینگ ۵۰۰ کیشی یرهلنگن.
امریکا ییرشناسلیک تشکیلاتی، اوشبو زلزله مرکزینی ننگرهار ولایتی جلالآباد شهری یقینیده و ییرنینگ ۱۰ کیلومتر چقورلیگیده دیب اعلام قیلگن.
