افغانستان‌لیک آزاد مبارزه‌لر سپورتچیسی نصرت حق‌پرست، «یواف‌سی» مسابقه‌لرده امریکالیک رقیبی گه غلبه قازاندی.
اوشبو مسابقه ۲-سرطان، شنبه دن یکشنبه گه اوتر کیچه، سعودی عربستان پایتختی ریاض شهری ده یولگه قوییلگن اېدی، حق‌پرست امریکالیک رقیبی جرد گوردون نی اوچ روند ده اوچ امتیاز بیلن مغلوب اېتگن.
بیزلرنینگ فیسبوک صحیفه‌میزگه باش اورینگ!
حاضر اروپا مملکت‌لریده یشب کېله‌یاتگن ۲۹ یاشر حق‌پرست، بو مسابقه ده امریکالیک کوچلی رقیبینی مغلوب اېتیب و ۱۷-مراتبه غلبه قازانیشینی نشانلش گه اولگوردی.
افغانستان‌لیک اوشبو سپورتچی بوتون مسابقه‌لریده بیش مراتبه مغلوب بولگن.
بیزلرنینگ «ایکس» ترماغی ده هم تعقیب قیلینگ!
مملکت نینگ آزاد مبارزه‌لر سپورتچیسی خلق‌ارا رده‌بندلیک ده ۲۶-اورینده قرار تاپگن.
شونینگدیک، امریکالیک آزاد مبارزه‌لر سپورتچیسی جرد گوردون اوشبو مسابقه دن آلدین ۲۶ مسابقه ده یالغیز آلتی مراتبه مغلوب بولگن اېدی و بو مسابقه ده یېتینچی مراتبه مغلوبیت گه تن بیردی.
