کیچیک ایشخانهنینگ فضاسینی شیریش و تیل ایسی آلگن؛ لیکن بو ییرده کوپراق حس بوله‌دیگن نرسه، یاغاچ بولکلری اوستیده حرکت‌لنه یاتگن سوهان‌نینگ آوازی دیر. کابل شهری‌نینگ پل‌سرخ منطقه‌سیده جایلشگن «ظرافت» اویمه‌کارلیک ایشخانه‌سی، قیزلردن قطاری‌نینگ بیر ییرگه ییغیلیب و صناعتکار قوللری بیلن یاغاچ بولکلری اوستیگه گوزه‌للیکلرنی یره‌ته‌دیگن جای دیر.
۲۵ یاشر و ۱۲-صنف‌نی بیتیرگن خاتمه حسینی، بیش ییل آلدین نورستان‌لیک اویمه‌کارلیک‌نی اورگه‌نیب و بیر ییل‌دن بیری اوزی ایشخانه آچگن و آلتی آیلیک دوره‌لرنی اوتکزیش آرقه‌لی بو صناعت‌نی قیزلر و عیاللر گه اورگته‌دی. «دوست‌لریم بیلن بیر ایشخانه آچدیک و قریب بیر یریم ییل‌دن بیری بو ییرده فعالیت قیلدیک، کیین اولر خارج کیتدیلر و اوزیم شخصی بیر ایشخانه آچیش‌گه قرار آلدیم و ۵۰ مینگ افغانی بیلن بو ایش‌خانه‌نی آچدیم که حاضر سرمایه‌یم ۱۵۰ مینگ افغانی‌گه ییتیشگن.»
بو ایشخانهنینگ هر طرفی‌گه، سنتی نقش-نگارلر بیلن یاغاچلی ایدیشلری تیریلگن که اولردن قطاری ساده و باشقه بیر قطاری ایسه رنگ-برنگ دیر.
بیزلرنینگ فیسبوک صحیفه‌میزگه باش اورینگ!
قولی‌ده بالقه و سوهان بیلن ایرتنگ‌دن آخشم‌گچه سعی‌وحرکت قیله‌دیگن خاتمه، بو ایش‌‌گه نه فقط صناعت یره‌تیش، بلکیم بو یول آرقه‌لی درآمد قولگه کیلتیریب و عایله نیازلری‌دن بیر قسمی‌نی تامین‌لش مقصد، یوز کیلتیرگن. خاتمه گه کوره، گرچند منظم آیلیگی بولمه‌گنی بیلن، بیراق بو یول آرقه‌لی ایش‌خانه‌سی‌نینگ کرایه‌سی همده اونینگ بیلن دایمی شکلده ایشله‌یدیگن تورت قیز‌نینگ آیلیک حقوقی‌نی توله آله‌دی.
خاتمه‌نینگ ایتیشیچه، ییترلی سرمایه‌سی یوقلیگی و ساتیش بازاری کساد‌لیگی، ایشی‌نینگ اونچه‌لیک رواجلنمه‌گنی‌گه سبب بولگن. «کوپینچه قیین‌چیلیگیمیز بار، بیرته‌سی نورستان‌لیک اویمه‌کارلیک بولیمی‌ده عیاللر ایشی‌گه اهالی‌نینگ ایشانچ‌سیزلیگی دیر. اهالی اویمه‌کارلیک‌نینگ ایرککلر ایشی بولگنی گه توشینه‌دیلر. شونینگدیک اهالی اقتصادی وضعیتی یخشی ایمس. اوتگن ییل‌لر یخشی ایدی و حتا تشقری‌دن هم فرمایش آله‌ر ایدیک.»
عیاللر و قیزلرنینگ تعلیمی و ایشی برابریده کوپینچه چیکلاولر بولگنی بیرحالده، اوشبو کیچیک ایشخانه، بیر قطار خاتین-قیزلر اوچون جمعیت‌ده حضور تاپیشلری توغریسیده بیر فرصت یره‌تگن.
خاتمه، قیزلرنینگ اویمه‌کارلیک ایشی بیلن شغللنگنی پیتده میزلر یانیده یوریب، یاغاچ اوستیگه دقت بیلن نقش چیزه‌دیگن قیزلر قولی‌‌نی کوریب اوته‌دی. «اویمه‌کارلیک ایشی‌گه قیزیقیش کوپه‌یگن و صناعت اورگنووچیلردن کوپینچه‌سی تعلیم‌دن محروم قالگن قیزلر دیر که بو ییرگه کیله‌دیلر و اویمه‌کارلیک اورگنه‌دیلر.»
اویمه‌کارلیک بیلن مصروف بولگن قیزلر آره‌سیده، دیوار گه آسیله‌دیگن ساعت یوزیگه سوهان بیلن اویمه‌کارلیک قیله‌دیگن نسیمه عطایی‌نینگ یانیگه باردیم. او، ۱۰-صنف اوقووچی‌سی بولگنی بیرحالده، تعلیم‌دن محروم قالگن و حاضر ایسه اویمه‌کارلیک‌نی اورگنگنی اوچون جوده‌یم خورسند دیر. اونینگ کوپه‌یتیریشیچه: «اویمه‌کارلیک‌نی اورگنیش‌گه باشله‌گنیم‌دن اوچ آی بوله‌دی. باش‌ده هیچ بیلمه‌یدیم و کوپ قیین کوریله‌ر ایدی؛ لیکن کیین ایسه اورگندیم و عادت قیلدیم. برچه قیز‌نینگ مکتب باریش‌دن محروم بولگنی اوچون بیر صناعت‌نی اورگنماق ایسته‌‌دیم.»
مذکور ایش‌خانه‌ده‌گی صناعت اورگنووچیلردن باشقه بیری خاطره مرادی هم ۱۰-صنف اوقووچی‌سی ایکن و قیزلر یوزیگه مکتبلر ایشیگی یاپیلگنی‌دن کیین بو ایشخانه گه کیلگن. اونینگ برماق‌لری رنگ بولیب و قولی‌ده‌گی برس بیلن بیر میوه‌دانی یوزیگه نقش چیزماقده. خاطره‌نینگ ایتیشیچه، اویمه‌کارلیک‌نی مالی مستقل‌لیککه ایریشیش و صناعتچی بولیش اوچون اورگنه‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره: «درآمد قولگه کیلتیریش اوچون کیلیب اویمه‌کارلیک اورگه‌نیش گه باشله‌دیم. فکرمچه یاغاچ یوزیگه نقش تارتیش، دیزاین قیلیش و اویمه‌کارلیک جوده‌یم قیزیق دیر.»
خاتمه حسینی‌نینگ ایش‌خانه‌سیده ایش اورگه‌نیش بیلن شغللنگن قیزلردن قطاری، رواجلنیشیلری اوچون صناعت‌نی اینگ سونگی یول بیله‌دیلر. سوهان بیلن بالقه‌نی قوللری‌گه آلگنلری چاغیده، وقت اوتیشی‌نی بیلمه‌ی و ذهن‌لری‌ده بولگن نرسه‌نی قولگه کیلتیریش مقصد، تلاش قیله‌دیلر.
خاتمه حسینی، قالگن ایشی‌نی یکونلنتیریش اوچون ینه هم سوهان‌نی قولیگه آلیب و ایشلماققه باشله‌دی. او، کوپراق درآمد قولگه کیلتیریشی و کوپینچه قیزگه بو صناعت‌نی اورگه‌تیش مقصد، ایش‌خانه‌سی‌نینگ کینگه‌یشی‌نی آرزو قیله‌دی.
