ناگران یشاوچیلردن قطاری، سپورت برنامه‌لری نینگ کمه‌یشی خصوصیده خواطر بیلدیریب و اسلام امیر‌لیگی‌دن، ناگران کیشیلر گه تورلی‌خیل سپورت بولیم‌لریده کوپراق سپورت زمینه‌سی یره‌تیلیشی نی ایسته‌گنلر.
شونده‌ی بیرحالده، قریب ۲۰ ییل آلدین ناتینچ‌لیک‌لر سبب، بیر قولی نی قولدن بیرگن ابراهیم دانشی نینگ ایتیشیچه، ناگران کیشیلر اوچون سپورت گه قول تاپیش زمینه‌سی آز دیر و ناگرانلر گه سپورت زمینه‌سی نینگ کوپه‌یشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «بو ییرده تمرین قیله‌میز. ناگرانلر کوپراق زیان کورگن و جماعه‌ده ییرلری یوق‌لیگی نی فکر قیله‌دیلر، بیراق بو ییر گه کیلگن‌لریدن کیین، وضعیت‌لری یخشی بوله‌دی و اولر گه کوپراق سپورت زمینه‌سی یره‌تیلیشی کیره‌ک.»
هرات یشاوچیسی آغا‌محمد شریفی اوروش‌لرده بیر قولی نی قولدن بیرگن دیر. اونینگ ایتیشیچه، ملی المپیک کمیته‌سی ناگران کیشیلر گه کوپراق سپورت زمینه‌سی نی یره‌تیشی کیره‌ک.
عین حالده، ملی المپیک کمیته‌سی بوگون کابل ده ناگران کیشیلر گه پاراتکواندو و تکواندو مسابقه‌لری نی یولگه قوییش بیلن ایتیشیچه، ناگران کیشیلر اوچون سپورت گه قول تاپیش زمینه‌سی نی کوپه‌یتیریش‌لری ممکن.
بیزلرنینگ توییترده هم تعقیب قیلینگ!
تکواندو ملی تیرمه جماعه‌سی نینگ باش مربی‌سی محمد‌بشیر ترکی نینگ سلام‌وطندار گه ایتیشیچه: «بوگون پاراتکواندو مسابقه‌لری هرات، غزنی و کابل ولایت اعضا‌لری آره‌سیده یولگه قوییلدی که، اولر آره‌سیدن ۲۰ کیشی ملی کمیته اوچون انتخاب بولیشی ممکن.»
ایتیش کیره‌ک که، بوندن آلدین هم بیرلشگن ملت‌لر تشکیلاتی نینگ انسان‌دوستلیک یاردم‌لر نی هماهنگ قیلووچی دفتری یا-ده اوچا، ناگران کیشیلر افغانستان جمعیتی‌دن ۱۵ فایزی نی تشکیل بیره‌دی و دستلبکی یاردم‌لر گه قول تاپه آلمه‌یشلری سبب، قیین‌چیلیک‌لر آستیده قرار تاپیش‌لری نی بیان قیلگن ایدی.
