بوگون افغانستان ایرکین میدیالریدن حمایت قیلووچی نهاد یا-ده نی خبرچیلرنینگ وضعیتی توغریسیده ینگی گزارشی نی نشر قیلدی.
نی اجرایی باشلیغی مجیب خلوتگر خبرچیلرنینگ ترور ایتیش حادثه‌لری کوپه‌یگنیدن خواطر بیلدیریب ایتیشیچه، بو وضعیت رسانه جامعه‌سیده جدی ضرر ییتیشتیریب و رسانه ایشلاوچی‌لری نینگ کمه‌یشی گه سبب بولگن.
نی اجرایی باشلیغی گه کوره، خبرچیلر نینگ ترور ایتیش حادثه‌لری کوپه‌یگن بیرحالده، حکومت بوموضوع گه دقت قیلمه‌گن.
بیراق ایچکی ایشلر وزیرلیگی سوزلاوچیسی طارق آرین نینگ ایتیشیچه، حکومت و کشقی نهادلر خبرچیلرنینگ ترور قضیه‌لرینی جدی شکلده تیکشیرگن و اوتگن ایکی ییل ده ۶۰ کیشی خبرچیلرگه قرشی زوروانلیک و قتل حادثه‌لری خصوصیده عیبله‌نیب قولگه آلینگن.
ریجه‌لنگن قتل‌لر رسانه‌لرنینگ عیال ایشلاوچی‌لریدن کویپنچه قربانی آلگن و ریجه‌لنگن قتل قربانی‌لری نینگ ۴۰ فایزی نی عیاللر تشکیل بیره‌دی.
نی نینگ گزارشی گه کیلیشیچه، خبرچیلرنینگ ترور ایتیلیشی باعث رسانه‌لرنینگ عیاللر ایشلاوچی‌لرینی سانی کمه‌یگن. بو گزارش اساسیده، قندهار ده رسانه گه ایشله‌یدیگن عیاللردن ۹۰ فایزی، ننگرهار ده ۴۰ فایزی و بلخ ده ایسه ۲۰ فایزی ایش‌لرینی قوییب یوبارگن.