نیپال نینگ جاجارکوت تومنی ده یوز بیرگن زلزله ده، چمه‌سی ۱۲۸ کیشی قربان بولیب و باشقه اونلب کیشی یره‌لنگن.
رویترز آژانسی گه کوره، اوشبو زلزله جمعه کیچه، ۳ نومبر، محلی وقت بیلن ساعت ۱۱:۴۷ ده، نیپال نینگ جاجارکوت تومنی غربی قسمی ده یوز بیرگن.
بیزلرنینگ فیسبوک صحیفه‌میزگه باش اورینگ!
نیپال رسمی‌لری نینگ ایتیشلریچه، جاجارکوت ده ۹۲ کیشی قربان بولیب و ۵۵ کیشی یره‌لنگن و شونینگدیک اوشبو تومن گه قوشنی روکوم منطقه‌سیده ۳۶ کیشی هلاک بولیب و چمه‌سی ۸۵ کیشی یره‌لنگن
نیپال زلزله نی انیقلش ملی مرکزی، مذکور زلزله ۶.۴ درجه ریشتر بولیب و مرکزی «رامیداندا» قیشلاغی ایکن‌لیگینی معلوم قیلگن.
عین‌حالده، امریکا قوشمه ایالت‌لری نینگ ییرشناس‌لیک اداره‌سی، اوشبو زلزله شدتی نی ۵.۶ درجه ریشتر دیگن.
بیزلرنینگ «ایکس» ترماغی ده هم تعقیب قیلینگ!
معلومات‌لر گه بناً، مذکور زلزله عاقبتیده یشش اوی‌لر بوزیلیب و هندوستان مرکزی ینگی دهلی نینگ ایریم قسم‌لری ده هم سیزیلگن.
نیپال رسمی‌لری، زلزله قربان‌لری سانی آشیش احتمالی بار دیگنلر.
اوشبو مملکت رسمی‌لری گه کوره، شنبه کونی، ۳-نومبر، قوتقروو تیم‌لری و ۱۶ کیشی‌لیک شفاکارلر تیمی، واقعه محلی گه یوباریلگن.
