یوزلب مینگ افغانستانلیک قاچقین قیتیشی گه دایر انسانی انقراض کوچهیشی حقیده خلقارا تشکیلاتلر خواطر بیلدیرماقده ایکن، ایران و پاکستان افغانستانلیک قاچقینلرنینگ مجبوری چیقریش جریانینی کوچهیتیرگنلر.
اسلام امیرلیگی قاچقینلر قیینچیلیکلرینی حل قیلیش بوییچه کمیسیون معلوماتلریگه کوره، فقط اوتگن بیر کون ایچیده بیش مینگ ۵۰۲ افغانستانلیک قاچقین ایران و پاکستاندن چیقریلیب و چیگره بندرلری آرقهلی مملکت گه قیتگنلر، عینحالده اوتگن هفته دوشنبه کونی قیتگن قاچقینلر رقمی ۲ مینگ نفر گه ییتر ایدی.
ینگیلیکده مملکت گه قیتگن قاچقینلردن بیرقطارینینگ ایتیشیچه، اقتصادی باسیملر یانیده، باشپنه یوقلیگی، قشاقلیک و ایشسیزلیک کبی دستلبکی امکانیتلردن فایدهلنه آلمهیدیلر.
اولر، حکومت و خلقارا تشکیلاتلر تامانیدن کورسهتیلگن یاردملرنی ییترلی بیلیشمهیدی.
پنجشیر یشاوچیسی ۳۴ یاشلی سیفالدین، ینگیلیکده عایلهسی بیلن پاکستاندن مجبوری شکلده چیقریلگن شوندهی دییدی: «پاکستان امنیتی کوچلری بیز بیلن یامان یاندهشیب و حقارت قیلیشدی حتا بیز گه توشک و کمپلنی آلیشگه رخصت بیرمهدیلر، کیچه ساعت ۲-۳ بجه اویدن چیقردیلر، کورسهتیلگن یاردملر ییترلی ایمس و ایش هم یوق.»
لوگرلیک ۳۵ یاشلی عتیقالله گه کوره: «ینگیلیکده پاکستاندن کیلدیک بیز بیلن کوپینچه قاچقینلر مجبوری شکله چیقریلب و افغانستان گه کیلدیلر، بو ییرده حکومت بیز گه یاردم کورستدی بو یاردملر ییترلی ایمس، دایمی یاردملرگه احتیاجیمیز بار، بیز اوچون اوی-جای بیریلسه ایش فرصتی یرهتیلسه.»
بیرلشگن ملتلر تشکیلاتینینگ قاچقینلر ایشلری بوییچه عالی کمیسارینینگ ینگی معلوماتیگه کوره، اوتگن بیر یریم آی دوامیده قریب ۱۵۰ مینگ افغانستانلیک قاچقین قوشنی اولکهلردن مملکت گه قیتگن.
اوشبو کمیساریگه کوره، افغانستان اقتصادی بیقرارلیگی یانیده کوپ سانده قاچقینلرنینگ قیتیشی بو مملکتده انسانی انقراضنی آشیریب و انسان پرورلیک یاردملر گه احتیاجلرنی کوپهیتیرگن.
پروان یشاوچیسی ۳۹ یاشلی احمدالله و کابللیک ۴۰ یاشلی فضلالله، ایکیلهسی ینگیلیکده ایراندن مجبوری شکلده چیقریلگن، حکومت و خلقارا تشکیلاتلردن مملکت گه قیتگن قاچقینلر تورلی قیینچیلیک بیلن دوچ ایکنلیگی اوچون اولر گه یاردم کورسهتیشلرینی سورهیدیلر.
احمداللهنینگ ایتیشیچه: «ایراندن مجبوری شکلده چیقریلدیک اقتصادی قیینچیلیگیمیز بار، یشش اوچون جاییمیز یوق ایرانده بیزنی ظلم و مجبوری شکلده چیقردیلر، بولگن یاردملر ییترلی ایمس.»
فضلالله هم شوندهی دییدی: «کیلگنیمیزدن ۲۰ کون بولدی، یول گه هم کوپ قیینچیلیک بیلن دوچ بولدیک جودهیم پریشانمیز، ایش یوق، بیز گه دقت قیلینیشنی ایستهیمیز.»
شو بیلن بیرگه، قاچقینلر بولیمیده بیلرمانلردن بیرقطارینینگ فکریچه، حکومت خلقارا تشکیلاتلرنینگ یاردمی بیلن، مملکتده انسانی انقراض کوچهیمسلیگی اوچون قیتگن قاچقینلرنینگ احتیاجلرینی حل قیلیب و اولرنی ایش بیلن تأمینلشی کیرهک.
برچهسی بیلن، بیرلشگن ملتلر تشکیلاتینینگ قاچقینلر بوییچه عالی کمیسارینینگ معلوماتیگه کوره، میلادی ۲۰۲۳-ییل اکتوبر آییدن بیری، قریب ۵ میلیون ۴۰۰ مینگ افغانستانلیک قاچقین ایران و پاکستاندن مملکت گه قیتگن.
