اسلام امیرلیگی قاچقینلر وزیرلیگینینگ اعلام قیلیشیچه، پاکستان قماقخانهلریدن ۸۸۰ افغانستانلیک آزاد بولگن.
مذکور وزیرلیکنینگ بوگون (۸-اسد/۳۰-جولای، پنجشنبه)، بیر بیانیه آرقهلی یازیشیچه، اوشبو کیشیلر پاکستان قماقخانهلریدن آزاد بولیشدن کیین ننگرهار و قندهار قتناو یولیدن افغانستان گه کیلگنلر.
بیانیه اساسیده، قوییب یوباریلگن کیشیلر آرهسیده عایلهلر، بالهلر و مجرد کیشیلر هم شامل بولیب، تورلی سببلرگه پاکستان قماقخانهلریده حبس گه ایکنلر.
قاچقینلر وزیرلیگینینگ کوپهیتیریشیچه، بو کیشیلر ثبت بولیش و همکار نهادلر آرقهلی انسانسیورلیک یاردملرنی قولگه کیلتیریشدن کیین، اصلی منطقهلریگه انتقال بیریلگنلر.
شونینگدیک بوندن آلدین هم، افغانستانلیک مینگلب یشاوچی پاکستان قماقخانهلریدن آزاد بولیب و مملکتگه قیتریلگنلر. شوندهی بیرحالده، پاکستان قماقخانهلریده حبس گه بولگن افغانستانلیکلر سانی توغریسیده انیق بیر نرسه اعلام بولمهگن.
