ناتو باش کاتبی نینگ ایتیشیچه، افغانستان ده ناتو و اونینگ بیرلشیک‌لرینی کمیده ۱۲ مینگ عسکری بار و بو مملکتده حربی حضور توغریسیده هر قنده‌ی اوزگریش‌لیک شرطلر گه باغلیق دیر.
ناتو باش کاتبی ینس استولتنبرگ اوشبو موضوع نی بوگون (چهارشنبه ۳۰- میزان) ناتو مدافعه وزیرلری نینگ ییغیندن آلدین اوتکزگن خبری بیر ییغینده بیان قیلگن.
ناتو باش کاتبی بیاناتی نینگ بیر بولیمیده اورغولشیچه، طالبان وعده‌لریگه عمل قیلیب و زوروانلیکلرنی کمه‌یتیریش‌لری کیره‌ک.
ناتو باش کاتبی طالبان گروهیدن القاعده و باشقه ترورچیلیک گروه‌لر بیلن بولگن علاقه‌لرینی کیسیب و تینچلیک پروسه‌سینی «یخشی نیت» بیلن آلغه آلیب باریش‌لرینی سوره‌گن.
ناتو باش کاتبی افغانستان دولتی و طالبان گروهی آره‌سیده تینچلیک سوزلشوولری باشلنگنی نینگ اوروش یکونله‌نیشی اوچون یخشی بیر فرصت دیب و تینچلیک تأمین ایتیلیشی اوچون بو فرصتدن فایده‌لنیش نی سوره‌گن.
ینس استولتنبرگ نینگ کوپه‌یتیریشیچه، اوتگن ایکی دهه‌ده‌گی یوتوقلر کوپ خره‌جت بیلن قولگه کیلگن و مذاکره جریانیده بو یوتوقلر سقله‌‌نیشی کیره‌ک.
اونینگ ایتیشیچه، ناتو افغانستان نینگ توغریسیده‌گی اوزون مدتلی وعده‌لریگه وفادار دیر و بو تشکیلات ۲۰۲۴-ییل گچه افغانستان امنیتی کوچلریدن مالی حمایت قیله‌دی.
ناتو باش کاتبی افغانستان ده بو تشکیلات نینگ حربی حضوری نی شرط‌لرگه باغلیق دیگن بیرحالده، آمریکا جمهوررئیسی کریسمس گچه مذکور مملکت حربی‌لری نینگ افغانستاندن چیقاریشی نی ایتگن.