ننگرهار محلی مسئوللری نینگ ایتیشلریچه، اوشبو ولایت‌ده باله‌لر فلجی (پولیو) گه قرشی ایملش کمپاینی نی یولگه قویگنلر. اولر گه کوره، بو کمپاین‌ده بیر میلیون‌دن آرتیق باله نینگ ایملنیشی ممکن.
ننگرهار حاکمی اورین‌باسری سعید‌احمد بنوری نینگ ایتیشیچه، پولیو گه قرشی ایملش کمپاینی، بوگون (شنبه، ۴-قوس)، باشلنیب و ییتتی کون‌گچه دوام قیله‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره، اوشبو کمپاین‌ده، ۱۰ یاش نی تولدیرمه‌گن بیر میلیون ۴۵ مینگ باله نینگ پولیو گه قرشی ایملنیشی کوتیله‌دی.
ننگرهار حاکمی اورین‌باسری، بو ولایت یشاوچیلریدن باله‌لری نینگ پولیو گه قرشی واکسین قیلیش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
اوشبو ییل ده مملکت بویلب باله‌لر فلجی آلتی واقعه‌سی قید ایتیلگنی بیرحالده، ننگرهار ده پولیو گه قرشی ایملش کمپاینی یولگه قوییلگن.