افغانی پول برابری ده دالر نرخی سیزیلرلی درجه ده پس توشگن بولسه ده؛ بیراق مملکت بویلب ییگولیک و یاقیلغی ماده‌لر نرخی همان اوزگرمه‌گن. اقتصادی ایش بیلرمان‌لردن بیرقطاری نینگ ایتیشلریچه، افغانستان مرکزی بانکی خلق‌ارا المشتیریش قاعده‌لرینی نظر گه آلمس دن افغانی پول برابری ده دالر نرخینی کمه‌یتیریش اوچون تلاش قیلماقده، بو اقدام پولی مصلحت و سیاست اساسیده دیر؛ لیکن ییگولیک ماده‌لر نرخی اوستیگه تاثیر قیلمه‌یدی.
اقتصادی ایش بیلرمان زکریا حیدری نینگ سلام‌وطندار گه ایتیشیچه: «افسوس بیلن افغانستان ده پول نرخی مرکزی بانک تامانیدن مصنوعی شکلده و مصلحت‌لری اساسیده تعیین بوله‌دی، مرکزی بانک دالر برابری ده افغانی پول نرخینی یوقاری اسره‌شنی ایسته‌یدی، لیکن دنیا بویلب قیمت نی ثابت اسره‌ش گه کوچ‌لری ییتمه‌یدی.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان محمدآصف ننگ گه کوره: «اقتصادی تحلیل‌لر گه بناً، پول قیمتی ایکی اساس ده دیر. بیری ظاهری و ایکینچیسی پول نینگ حقیقی قیمتی اساسیده، افغانستان ده ظاهری اساس ده اعتبارلی دیر؛ یعنی پول نینگ حقیقی قیمتی اوز اورنینی تاپه آلمه‌گن.»
باشقه تاماندن، کابل یشاوچیلری دن بیرقطاری نینگ ایتیشلریچه، افغانی پول برابری ده دالر نرخی پس توشگن بولسه ده، لیکن ییگولیک و یاقیلغی ماده‌لر قیمتی اوزگرمه‌گن. کابل ده تکسی هیداوچی عبدالبصیر گه کوره: «دالر نرخی کونسه‌یین پس توشماقده؛ بیراق ییگولیک ماده‌لر و نفت قیمتی پس توشمه‌یدی. اوتگن کون بیر جنس نی آلماقچین ایدیم سابق ۱۰۵ یا که ۱۱۰ دالر ایدی؛ بیراق ۱۴۰ دالر دیدیلر. پول نرخی کنترول بوله‌دی؛ لیکن ییگولیک ماده‌لر قیمتی ایمس.»
کابل یشاوچیسی خالق نینگ ایتیشیچه: «بازار ده دالر نرخی پس یا که یوقاری بولسه ییگولیک ماده‌لر نرخی کوپ آز اوزگره‌دی. حاضر دالر نرخی سیزیلرلی درجه ده پس توشگن؛ بیراق اون، برنج و یاغ کبی ییگولیک ماده‌لر سابق نرخ ده ساتیلماقده.»
شو بیلن بیرگه، ییگولیک ماده ساتووچیلری نینگ ایتیشلریچه، اوتمیش گه نسبتن ییگولیک ماده‌لر نرخی اوزگرگن. کابل شهری «دهن‌باغ» منطقه‌سیده دکاندارلر دن داوود گه کوره: «یاغ ۵۰۰ دن ۴۲۰ افغانی گه پس توشگن، اون ۱۷۰۰ و ۱۸۰۰ افغانی ایدی، ۱۶۵۰ افغانی بولگن و برنج هم ۲۷۰۰ افغانی گه پس توشگن.»
بیزلرنینگ «ایکس» ترماغی ده هم تعقیب قیلینگ!
عین‌حالده، کابل بلدیه‌سی مسئوللری نینگ ایتیشلریچه، اولر بازار ده ییگولیک و یاقیلغی ماده‌لر نرخی نی هر هفته کنترول قیله‌دیلر. کابل بلدیه‌سی سوزلاوچیسی نعمت‌الله بارکزی گه کوره، دالر نرخی آشگن حالده ییگولیک ماده‌لر نرخی هم آشه‌دی؛ چونکه افغانستان وارداتی بیر مملکت دیر. دالر نرخی پس توشگن حالده، کابل بلدیه‌سی دکاندارلر جنس نی قیمت ساتمسلیک‌لری اوچون نرخ‌نامه تعیین قیله‌دی.
او نینگ کوپه‌یتیریشیچه: «کابل بلدیه‌سی تامانیدن بازار کنترول بوله‌دی، قیمت ساتگن کیشی نینگ دکانی یاپیله‌دی، ایکینچی مرته تکرار بولگن تقدیرده عدلی و قضایی نهادلر گه معرفی قیله‌میز. دالر نرخی شبهه‌سیز پس توشگن و هر هفته نرخ‌نامه تعیین قیله‌میز. دالر ثباتی مهم دیر و بیز اونگه قره‌ب نرخ نی تعیین قیله‌میز.»
عین‌حالده، یشاوچیلر مملکت بویلب ایش‌سیزلر سانی آشیب و ییگولیک ماده‌لر نرخی یوقاریلیگیدن شکایت قیلیب و حکومت دن ییگولیک ماده‌لر نرخینی کنترول قیلیش اوچون چاره تدبیر کوریشینی سوره‌یدیلر.
