تخمیناً ایکی آی‌دن بیری بوتون دنیا غزه ده سونگی ییللرده‌گی قانلی اوروش گواهی بولیب کیلماقده؛ بو اوروش فلسطین ده اسرائیل گه قرشی حماس گروهی تامانیدن باشلندی، بیراق آتش کیسین برقرار ایتیلیشی اوچون سعی‌وحرکت‌لر بیلن همان دوام ایتماقده.
حماس و اسرائیل حربی کوچلری آره‌سیده اوروش باشلنگنیدن بویان بیر قطار مملکتلر اوشبو اوروش‌ده، بیر تامان‌نی قوللب_قوتلش‌گه اولگورگن بولسه‌ده؛ بیراق بیر قطار مملکتلر ایسه اوزلرینی طرف‌سیز دیب بیلدیریش گه حرکت قیلگن. بو آره‌ده اسلام امیرلیگی سرپرست حکومتی هم امکان قدر غزه بحرانی‌ده اوزینی طرف‌سیز بیلدیریب و هیچ بیر تامان‌دن عملاً حمایت قیلمه‌گن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، غزه ده اوروش باشلنگنی بیلن بیرگه، اسلام امیرلیگی تشقی ایشلر وزیرلیگی کمیده ایکی مراتبه اعلامیه ترقه‌تیب، فلسطین خلقی بیلن قیغوداش‌لیک بیلدیریب و شونینگدیک اسرائیل حربی کوچلری حرکت‌لرینی قاره‌له‌گن.
خلق‌ارا علاقه‌لر مسئله‌لری بوییچه ایش بیلرمان محمود اضطرابی، غزه اوروشی نینگ دوامی و اونی کینگه‌ییشی امکانی‌گه اشاره قیلیب، افغانستان خلقی نینگ فکرلری، اسلام امیرلیگی نی غزه اوروشی برابریده انیق بیر سیاست تنلَش‌گه بویوره‌دی دیب اورغوله‌گن. جناب اضطرابی نینگ بو توغریده سلام‌وطندارگه ایتیشیچه: «افغانستان خلقی نینگ فکرلریدن کوپینچه‌سی اسلام امیرلیگی‌دن غزه بحرانی خصوصیده بیللی بیر سیاست‌نی تنلَش دیر.»
شونده‌ی بیرحالده، ایکی کون آلدین سرپرست حکومت نینگ تشقی ایشلر وزیرلیگی سرپرستی امیرخان متقی، فلسطین خصوصیده ایران مملکتیده اوتکزیلگن بیر ییغین‌گه قتنه‌شیش مقصد بو مملکت‌گه سفر قیلگن.
بیزلرنینگ فیسبوک صحیفه‌میزگه باش اورینگ!
عین حالده، خلق‌ارا علاقه‌لر بوییچه ایش بیلرمانلردن باشقه بیری محمدباقر محسنی اسلام امیرلیگی‌گه، افغانستان نینگ حاضرگی شرایطه گه توجه قیلیب، غزه اوروشی برابریده ملی منفعت‌گه ماس بیر سیاست قولگه آلیش‌نی تکلیف قیله‌دی. جناب باقری نی کوپه‌یتیریشیچه: «بیرینچی بولیب اسلام امیرلیگی غزه اوروشی خصوصیده‌گی اوز سیاستی‌گه دنیاده حاکم بولیب تورگن سیاست‌لر و ترتیب‌لرنی نظرگه توتیشی کیره‌ک، کیین ایسه اسلام امیرلیگی باشقه برچه مملکتلر بیلن بیرخیل علاقه قوریش آرتیدن بولیشی درکار، چونکه حاضر افغانستان برچه مملکتلر بیلن سیاسی علاقه‌ده بولیش‌گه احتیاجی بار.»
ایتیش کیره‌ک که، حماس و اسرائیل آره‌سیده توقنشوولر ایکی یریم آی آلدین باشلنگن و بو توقنشوولر نتیجه‌سیده، مینگ‌لرچه کیشی اولیب و یره‌لنگن. مملکت‌لردن قطاری اینیقسه غربی مملکتلر اسرائیل‌دن قوللب-قوتله‌گن و منطقه‌ده بیر قطار مملکتلر ایسه فلسطین نینگ مستقل بیر مملکت بولیشی و اونینگ اسرائیل و فلسطین آره‌سیده‌گی دشمن‌لیک نینگ یکونلنیشی اوچون یگانه ییچیم یول عنوان قیلگنلر.
