آلمان نینگ اوچ کون‌لیک مونیخ خوفسیزلیک ییغینی، آلمان نینگ مونیخ شهریده منطقه و دنیا‌دن ۴۰ مملکت جمهور رئیس‌لری و ۹۰ مملکت وزیرلری نینگ حضوری بیلن یولگه قوییلگن. افغانستان ده سیاسی وضعیت و عیاللر حقوقی تیکشیریلیشی، اوشبو ییغین‌ده صحبت اوتکزیله‌دیگن اونملی موضوع‌لردن بیری دیر.
مذکور ییغین‌ده اروپا مملکت‌لریده‌گی عیال تشقی ایشلر وزیرلری، افغانستان ده عیاللر وضعیتی خصوصیده قوشمه بیر بیانیه ترقه‌تیب، عیاللر حقوقی نینگ قیته بیریلیشی گه تاکید قیلگنلر.
بیزلرنینگ فیسبوک صحیفه‌میزگه باش اورینگ!
البانیا، بلژیک، کانادا، فرانسه، آلمان، آیسلند تشقی ایشلر وزیرلری نینگ بیانیه‌سیده کیلگن که: «بیز، ۲۰۲۳ مونیخ امنیتی ییغینی‌ده عیال تشقی ایشلر وزیرلری، عیاللر نینگ جماعه‌دن حذف قیلیش اوچون اسلام امیر‌لیگی نینگ قراری نی شدت‌لی بیر شکلده قاره‌له‌یمیز. مذکور ییرده عیاللر گه یرهتیلگن چیکلاو‌لر نی حل قیلیش اوچون بیر‌میز، اینیقسه اولر نینگ باله‌لر، عیاللر و ایرکک‌لر گه ارائه بوله‌دیگن انسان‌پرورلیک یاردم‌لر خصوصیده‌گی اساسی نقشی نی، قیته یوبارسین‌لر.»
شوندهی بیرحالده، مونیخ ییغینی‌ده نطق سوزله‌گن افغان عیاللر نماینده‌سی محبوبه سراج نینگ ایتیشیچه، دنیا افغانستان ده عیاللر موضوع‌سی نی جدی آلیشی کیره‌ک.
باشقه بیر تامان‌دن، عیال حقوقی فعالی مریم‌معروف آروین نینگ ایتیشیچه، مونیخ ییغینی، دنیا افغان عیال‌لری نینگ اونوتمه‌گنی نی بیلدیره‌دی.
شونینگدیک، خلق‌ارا رابطه‌لر بیلرمانی نظیر‌احمد رزاقی نینگ ایتیشیچه، مونیخ ییغینی اسلام امیر‌لیگی حکومت‌دارلیگی نینگ اوزگرتیریشی خصوصیده بیر باسیم دیر.
بیزلرنینگ توییترده هم تعقیب قیلینگ!
شوندهی حالده، اسلام امیر‌لیگی گه یقین سیاسی فعال سید‌ذکرالله هاشمی نینگ ایتیشیچه، مونیخ ییغینی‌ده اسلام امیر‌لیگی‌دن هیچ بیر نماینده نینگ حضوری یوقلیگی سبب، اوشبو ییغین افغانستان اوچون هیچ بیر تاثیری بولمه‌یشی ممکن.
عین حالده، اوتگن بیر یریم ییل‌ده افغانستان ده عیاللر و قیزلر مکتب‌لر، بیلیم یورت‌لر و ایچکی و خارجی موسسه‌لرده ایش‌لش‌دن منع بولیب و شونینگدیک بیر قطار کیشی یشاوچیلیک حق‌لری نی قولدن بیرگنلر.