امریکا و مرکزی آسیا مملکت‌لر نماینده‌لری، نیچه مدت آلدین قزاقستان نینگ آستانه شهری‌ده یولگه قوییلگن ییغین گه تیگیشلی ینگی بیانیه نی ترقه‌تگنلر. مذکور مملکت‌لر نینگ بیانیه‌سیده، تینچ و برقرار افغانستان گه قول تاپیش، یالغیز عیال‌لر شامل برچه افغانلر نینگ مساوی و معنالی مشارکتی بیلن ممکن دیر.
بیراق اسلام امیرلیگی اوشبو بیانات گه قرشی عکس‌العمل کورستیب ایتیشیچه، حاضرگی توزوم نینگ توزیلیشی گه برچه افغانلر شامل دیر و باشقه مملکت‌لر افغانستان نینگ ایچکی موضوع‌لری گه اره‌لش اورنیده، بیر مملکت جایگاه‌سیدن اسلام امیرلیگی بیلن تعامل قیلسینلر.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «حاضر ایسه افغانستان بیر توزوم گه ایگه دیر که، باشقه مملکت‌لر اوندن استقبال قیلیشلری کیره‌ک. افغانستان اوزی‌دن ملتی بار، افغانستان ملتی هر نرسه نی ایسته‌گنی صورت‌ده، اوز توزوم‌لریدن حقلری بار و باشقه مملکت‌لر افغانستان گه اره‌لشمه‌ی و بیر مملکت صفتیده افغانستان بیلن تعامل‌لری نی تنظیم قیلیشلری کیره‌ک.»
آستانه ییغینی گه شرکت قیلووچیلر بیانیه‌لریده، میزبانلیک اوچون بیر پایگاه صفتیده افغانستان دن قوللنیلمه‌سلیگی اهمیتی، مالی یا-ده ترورریزم صادر بولیشی گه تاکید و اوشبو مملکت‌ده مصنوعی مخدره ماده نینگ تولیدی و شونینگدیک صادراتی خصوصیده خواطر بیلدیرگنلر.
بیراق ذبیح‌الله مجاهد نینگ ایتیشیچه، اسلام امیرلیگی باشقه مملکت‌لر برابریده افغانستان توپراغیدن قوللنیشی خصوصیده هیچ وقت رخصت بیرمه‌یدی. «افغانستان هیچ کیم اوچون پناه‌گاه ایمس و افغانستان دن قوللنیلیشی اوچون هیچ کیم گه رخصت بیرمه‌یمیز. مملکت‌لر بو ناحیه‌دن خواطر قیلمه‌سینلر. مصنوعی مخدره ماده بولیمی‌ده هم مکمل شکلده اونینگ اورنینی آله‌میز و آلگن‌میز و بو ییر نینگ ایش‌خانه بولیشی گه قویمه‌یمیز، بو توغریده جدی مبارزه قیله‌میز.»
باشقه بیر تامان‌دن، سیاسی مسئله‌لر بیلرمان‌لریدن قطاری نینگ ایتیشلریچه، افغانستان ده همه شمول حکومت شکل‌لنیشی اوچون دنیا مملکت‌لری اینیسقه امریکا ایسته‌گی، اوشبو مملکت‌لر نینگ عملی رفتارلری بیلن قرشی دیر.
سیاسی مسئله‌لر بیلرمانی سید‌ضیا حسینی نینگ ایتیشیچه: «امریکا نینگ اعلام قیلگنی نرسه عمل گه آشیره یاتگنیدن فرق قیله‌دی؛ بیراق سیاست‌لر بیلخیل بولسه، مسئله نینگ طرح بولیشی کیره‌ک. باشقه بیر تامان‌دن، بونده‌ی ایسته‌ک نینگ عمل گه آشیشی افغانستان ده بیر قنچه عمل‌لر گه باغلیق؛ بیرینچی اسلام امیرلیگی برقرار حکومت یا-ده اجتماعی عدالت نی تیزیم فایده‌سیده‌گی تقسیم‌لش نی کوره‌دیمی یا-ده یوق؟ مناسبت‌لر نی تقسیم‌لش اجتماعی عدالت گه اساس‌لنگن نتیجه گه کیلگنی‌میز صورت‌ده، بلکیم بو ساختار نینگ تطبیق بولیشی ممکن.»
بیزلرنینگ توییترده هم تعقیب قیلینگ!
آستانه ییغینی گه شرکت قیلگنلر نینگ بیانیه‌سی نی بیر بولیمی‌ده، ۲۰۲۳-ییل‌ده افغانستان ده خشخاش ایکینی کمه‌یگنی‌دن خورسند‌لیک بیلدیریلیب و ایتیلگن که، افغانستان ده انسان قاچاقی، قورال و مخدره ماده بیلن قرشی کوره‌ش اوچون، مملکت‌لر آره‌سیده همکارلیک نینگ کوچلنتیریلیشی گه نیاز دیر.
ایتیش کیره‌ک که، رینا امیری بیلن افغانستان بوییچه امریکا خاص نماینده‌سی توماس وست، قزاقستان پایتختی آستانه شهری‌ده ۵-اسد، بیش آسیا مملکت نماینده‌لری بیلن ییغیلیب و افغانستان وضعیتی حقیده آواز بیریشگنلر.
