اسلام امیرلیگی سۉزلاوچیسی ذبیح‌الله مجاهد اۉتگن کون بغلان، بدخشان، غور و هرات ولایت‌لریده یوز بیرگن قانلی سوو تاشقین‌لری عاقبتیده جبرلنگنلر گه همدردلیک بیلدیریب و اسلام امیرلیگی اولر گه یا ردم کورسه‌تیش اوچون بار امکانیتیدن فایده‌لینیشینی اېتگن.
بیزلرنینگ فیسبوک صحیفه‌میزگه باش اورینگ!
مجاهد، ۲۱-ثور جمعه کونی ایکس اجتماعی ترماغیده بیر بیانیه ترقه‌تیب، طبیعی آفت‌لرنی باشقریش ایشلری بوییچه دولت وزیرلیگی، ایچکی ایشلر وزیرلیگی و ولایت مسئوللری گه، مذکور ولایت‌لرده طبیعی آفت‌لر عاقبتیده اۉلیب ویره‌لنگنلر گه یاردم کورسه‌تیش اوچون بار امکانیت‌لریدن فایده‌لنیش بویروغی بیریلگنینی یازگن.
اسلام امیرلیگی سۉزلاوچیسی، مملکت یشاوچیلریدن طبیعی آفت‌لر طفیلی جبرلنگنلر گه یاردم بیریش‌لرینی اېسته‌گن.
بیزلرنینگ «ایکس» ترماغی ده هم تعقیب قیلینگ!
اۉتگن کون بغلان، بدخشان و هرات ولایت‌لریده سوو تاشقین‌لری عاقبتیده اونلب کیشی اۉلیب و یره‌لنگن و اوشبو ولایت‌لر نینگ اهالیسی گه آغیر مالی زیان یېتکیزگن.
بغلان طبیعی آفت‌لرنی باشقریش ایشلری بوییچه ریاستی نینگ معلوماتی اساسیده، مذکور ولایتده اۉتگن کونگی سوو تاشقین‌لریده چمه‌سی ۵۰ کیشی قربان بولگنلر.
