اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، جاری ییل حمل آییدن حاضرگچه، قریب ایکی میلیون قاچقین مملکت گه قیتگن.
جناب مجاهدنینگ ایتیشیچه، دستلبکی گزارشلرده قاچقینلرنینگ کوپ شکلده قیتیشی قحطچیلیک و باشقه قیینچیلیکلرگه سبب بولهدی دیب، ادعا بولگن ایدی.
اسلام امیرلیگی سوزلاوچیسی، بو بیاناتنی ۱۳-قوس، پنجشنبه کونی، پکتیا ولایتی زرمت تومنیده دینی مدرسهلر اوقووچیلری و حافظلرنینگ فراغت مراسمیده بیان قیلگن.
ذبیحالله مجاهدنینگ کوپهیتیریشیچه: «حمل آییدن حاضرگچه قریب ایکی میلیون قاچقین، مملکت گه قیتگن. برچه گه اوی-جای بیریلگن و الحمدالله حاضرگچه اولرنینگ آچ قالگنی توغریسیده هیچ بیر سیس چیقمهگن؛ لیکن قیتیش بیلن بو کیشیلرنینگ آچلیکدن تلف بولیشی توغریسیده گزارشلر بار ایدی. آستقورمهلر یرهتیلیب و اولرگه خذمت کورسهتیلدی و تینگری یاردمی بیلن اسلام امیرلیگی تلاش قیلدی و نتیجه بیردی.»
شونینگدیک اسلام امیرلیگی سوزلاوچیسی گه کوره، افغانستان اقتصادی سیزیلرلی درجهده رواجلهنیب و حاضر صادرات حجمی ییلده ایکی میلیارد دالردن آشگن که اوتگن توزومده، بو رقم ۸۰۰ میلیون دالردن آشمس ایدی.
اونینگ اورغولشیچه، حاضرگی حاکم توزوم، بو مملکتنینگ برچه بولیملری مسئولیتینی بوینیگه آلهدی.
