افغانستان وضعیتی گه دایر «فرمت مسکو» آلتینچی ییغیلیشی منطقه مملکت‌لر اینیقسه روسیه و چین وکیللری نینگ حضوری بیلن ۱۳-میزان، جمعه کونی یولگه قوییلدی، بو ییغیلیش ده افغانستان تشقی ایشلر وزیرلیگی سرپرستی امیرخان متقی اسلام امیرلیگی نماینده‌سی اوله‌راق قتنشگن اېدی.
اسلام امیرلیگی، فرمت مسکو آلتینچی ییغیلیشینی افغانستان و منطقه اوچون اونملی بهاله‌گن. اسلام امیرلیگی سۉزلاوچیسی ذبیح‌الله مجاهد سلام‌وطندار بیلن اۉتکزگن صحبتیده، فرمت مسکو آلتینچی ییغیلیشی ده، اسلام امیرلیگی موقفی یخشی بیان قیلینگن و بو ییغیلیش افغانستان اوچون یخشی نتیجه‌لری بولیش گه امید بیلدیرگن.
مجاهد نینگ کوپه‌یتیریشیچه: «فکریمچه، مسکو ییغیلیشی افغانستان و منطقه اوچون یخشی اېدی. بو ییغیلیش ده اسلام امیرلیگی موقفی یخشی بیان قیلینگن، افغانستان بوتون مملکت‌لر بیلن یخشی مناسبتی بولیشنی اېسته‌یدی؛ مملکت‌لر افغانستان بیلن همکارلیک قیلیش‌لری کېره‌ک. بو فرمت ده بولگن مملکت‌لر پیامنی ایشیتدیلر. اوشبو ییغیلیش کېله‌جکده یخشی نتیجه بیریش گه امید بیلدیره‌من.»
بیزلرنینگ فیسبوک صحیفه‌میزگه باش اورینگ!
فرمت مسکو آلتینچی ییغیلیشی ده، مملکت‌لر اسلام امیرلیگی گه یره‌تیلگن تحریم‌لر بیکار قیلینیشی، سرپرست حکومت بیلن همکارلیک قیلیش و اسلام امیرلیگی اوستیگه باسیم کېلتیریلمسلیگی اوستیگه تأکید اېتگنلر. فرمت مسکو ییغیلیشی نینگ باشقه بیر بولیمیده، مملکت‌لر یېنه بیر مراتبه افغانستانده عصیانچی گروه‌لر نینگ تهدیدلریدن خواطر بیلدیرگن.
روسیه تشقی ایشلر وزیری سرگئی لاوروف، افغانستانده عصیانچی گروه‌لر منطقه مملکت‌لر نینگ خوفسیزلیگینی تهدید قیلماقده‌لیگینی ادعا قیلگن.
اسلام امیرلیگی تشقی ایشلر وزیرلیگی سرپرستی امیرخان متقی بو گَل خواطرلر گه جواب ایتیشیچه، منطقه مملکت‌لر افغانستانده داعش گروهی بارلیگیدن خواطر بیلدیرماقده اېکن، بو گروه افغانستان نینگ چېگره حدودلریدن تشقریده فعالیت قیلماقده بو مسئله اسلام امیرلیگینی هم خواطری گه سبب بولگن.
بیلرمان‌لر، سۉنگی اوچ ییلده‌گی ییغیلیش‌لر نینگ نتیجه‌سی گه بناً بو کبی ییغیلیش‌لرنی شبهه بیلن کوزه‌تماقده‌لر.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر بیلرمانی ولی فروزان، فرمت مسکو آلتینچی ییغیلیشی ده‌گی بحث‌لر ده اینیقسه روسیه تشقی ایشلر وزیری نینگ بیاناتی مهم اورین توتگن.
اونینگ ایتیشیچه: «روسیه تشقی ایشلر وزیری هم بیر تور اشاره قیلدی که امریکا کوپراق اېسته‌یدی؛ بو مسئله‌لر جوده هم مهم دیر؛ … لاوروف نینگ بیانات‌لری قسمی اېدی که افغانستانده امریکا رولی بولگن هر قنده‌ی کېلیشوو مثال اوچون برچه شمول حکومت نی بولر قبول قیلمه‌یدی، اصلا امریکا نی افغانستانده قبول قیلیشمه‌یدی.»
سیاسی مسئله‌لر بیلرمان‌لریدن محمدزلمی افغانیار پول، فرمت مسکو کبی ییغیلیش‌لر افغانستان بیلن مملکت‌لر نینگ همکارلیک قیلیشی گه زمینه یره‌تیلیشی گه امید بیلدیره‌دی.
اونینگ کوپه‌یتیریشیچه: «منطقه و فرامنطقه اولکه‌لر، اقتصادیات و سیاست ده اقتصاد، سیاست و مستقل افغانستان اوله‌راق بیز بیلن همکارلیک قیلیش گه امیدوار میز.»
سۉنگی اوچ ییلدن کوپراق ده، افغانستان وضعیتی گه دایر منطقه و خلق‌ارا کوپینچه ییغیلیش‌لر یولگه قوییلدی؛ بیراق بو ییغیلیش‌لر حاضرگه قدر افغانستانده احوال اۉزگریشی سبب بولمه‌گن.
