اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان ینه بیر مرته قندهارنینگ اسپینبولک تومنیگه هجوم قیلگن.
او، ۱۴-قوس، جمعه کیچه کیچ قورون اکس صحیفهسیده بیر بیانیه آرقهلی یازیشیچه، اسلام امیرلیگی کوچلری اسپینبولدک ده پاکستان هجوملریگه قرشی عکسالعمل بیلدیرگن. «قیغو بیلن بو کیچه پاکستان ینه قندهارنینگ اسپینبولدک تومنیده افغانستان گه هجوملرینی باشلهدی که اسلام امیرلیگی کوچلری هم عکسالعمل کورسهتیشگه مجبور بولدی.»
اسلام امیرلیگی سوزلاوچیسی، پاکستان بیلن بولگن توقنشوو تلفاتی توغریسیده هیچ بیر نرسه دیمهگن.
تورکیه ده اسلام امیرلیگی و پاکستان مذاکرهلری توختهتیلگنیدن کیین، پاکستان آرقهلی افغانستان توپراغینینگ بیر قطار بولیملری ایکینچی مرته نشانگه آلینگن.
شونینگدیک پاکستان ۴-قوس خوست، کنر و پکتیکا ولایتلریگه هوا هجومی اویوشتیردی که نتیجهده، توقیز باله شامل ۱۰ کیشی «شهید» و تورت کیشی یرهلنگن.
