اسلام امیرلیگی سوزلاوچیسی ذبیحالله مجاهد، پاکستاننینگ اوتگن کیچهدهگی «تجاوز و جنایتلری» جوابسیز قالمسلیگی حقیده آگاهلنتیردی.
مجاهد، بوگون (۲۲ حوت/۱۳ مارچ، جمعه) ایکس صحیفهسیده بیر بیانیه ترقهتیب پاکستان جنگری اوچاقلری کابل، قندهار، پکتیا، پکتیکا و باشقه بعضی حدودلرده تینچ اهالی اویلرینی نشانگه آلگن و اونینگ نتیجهسیده، عیاللر و بالهلر «شهید» بولگنینی بیلدیردی.
اسلام امیرلیگی سوزلاوچیسی شوندهی دیگن: «رمضان مبارک آخری دههسی و هییت بیرهمی عرفهسیده بوندهی شفقتسیز تجاوز شونی کورستهدی کی، اولر هیچ قندهی انسانی و اخلاقی قدریتلر گه حرمت قیلمهیدیلر.»
مجاهد گه کوره، اسلام امیرلیگی پاکستاننینگ بو تجاوز و جنایتینی قتیق شکلده قارهلهیدی و اونی جوابسیز قالدیرمهیدی. «انشاءالله بو ظلم جوابسیز قالدیریلمهیدی.»
شو بیلن بیرگه، کابل امنیه قوماندانلیگی سوزلاوچیسی خالد زدران، سلاموطندار بیلن صحبتده، ۲۱ حوت/۱۲ مارچ، پنجشنبهدن جمعه گه اوتر کیچه، پاکستان جنگری اوچاقلرینینگ کابل شهری ۲۱ امنیتی حوزه حدودلریگه قرهشلی، پلچرخی «۲۴ گذر» منطقهسیده، یشش بیر اوینی نشانگه آلگنینی بیلدیردی.
زدران جنابلریگه کوره، اوشبو هجوم عاقبتیده ۴ تینچ اهالی شهید بولگن و ۱۵ کیشی، باشقه اویلردن یرهلنگن.
