پاکستان ییتکرمه‌لری‌نینگ گزارش بیریشیچه، اوشبو مملکت پاکستان ده‌گی افغانستان‌لیک قاچقین‌لر‌نینگ یشش مدتی اوزه‌یتیرلیشی توغریسیده اسلام امیرلیگی ایسته‌گی‌نی رد قیلگن.
بو وضعیت بیلن بیرگه، پاکستان ده (ای‌سی‌سی) یشش کارتیگه ایگه بولگن افغانستان‌لیک قاچقینلر، جاری میلادی ییل اپریل آیی‌دن بو مملکت‌دن جبری شکلده افغانستان گه قیتریله‌دی.
شونده‌ی بیرحالده، سرپرست حکومت قاچقینلر وزیرلیگی‌نینگ ایتیشیچه، اسلام امیرلیگی قوشنی مملکت‌لردن افغانستان‌لیک قاچقین‌لر‌نینگ جبری شکلده چیقریلمسلیگی و اولر بیلن یخشی‌راق یانده‌شیلیشی‌نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوزلاوچیسی عبدالمطلب حقانی‌نینگ ایتیشیچه، بو توغریده ایران و پاکستان بیلن ییغیلیش‌لر اوتکزیلگن؛ بیراق ینه هم پاکستان افغانستان‌لیک قاچقینلر چیقریلیشی‌گه قرار آلگن.
جناب حقانی‌نینگ اورغولشیچه، بو وزیرلیک قاچقینلرگه یاردم کورسه‌تیش اوچون بوتونلی تیارگرلیگی بار. «اسلام امیرلیگی برچه مملکت‌لر اینیقسه قوشنی مملکت‌لردن یخشی یانده‌شوو ایسته‌یدی. بعضا پاکستان رسمی‌لری بیلن بیر قطار ییغیلیش اوتکزگن‌میز، حاضر اولر بیر تامانلمه قرار بیلن قاچقین‌لرنی چیقرماقده‌لر. بیزلر بو ییرده اولرنی خوش‌قرشی‌لیش اوچون بوتونلی تیارگرلیگی‌میز بار و اولکه گه هر قنچه افغانستان‌لیک قیتسه، اولرگه یاردم کورسه‌تیش و ییرلشتیریلیشی اوچون تیارگرلیگی‌میز بار.»
پاکستان، (ای‌سی‌سی) کارتیگه ایگه بولگنلر گه بو مملکت‌نینگ ترک قیلیش‌لری اوچون ۳۱-مارچ‌گه قدر وقت بیرگن. پاکستان ده‌گی بو کارت گه ایگه بولگن ۸۰۰ مینگ افغانستان‌لیک، جبری شکلده چیقریلیش خوفی آستیده قرار تاپگن.
پاکستان ده‌گی افغانستان‌لیک قاچقینلردن عبدالله محمدی‌نینگ ایتیشیچه، سونگی هفته‌لر پاکستان افغانستان‌لیک قاچقینلر برابریده کوپینچه چیکلاولرنی وضع قیلگن که بو اولرنی قیینچیلیکلر بیلن روپه‌ره قیلگن.
او افغانستان گه جبری شکلده چیقریلیش توغریسیده خواطر بیلدیریب و ایتیشیچه، پاکستان پولیسی قاچقین‌لر‌نینگ یشش حجت‌لرینی تیکشیریش اوچون اولرنینگ اویی‌گه کیریب و قاچقینلردن قطاری‌نی قولگه آله‌دی. «قیغو بیلن سونگی کونلر پاکستان قاچقینلر برابریده کوپینچه چیکلاولرنی وضع قیلگن که قیین‌چیلیککه قالگن‌میز. کیچه‌وکوندوز قاچقینلر اویی‌گه کیریب کیله‌دیلر و اولرنی قولگه آله‌دیلر و اوزلری بیلن آلیب کیته‌دیلر. یامان بیر وضعیت‌ده قالگن‌میز.»
بیزلرنینگ فیسبوک صحیفه‌میزگه باش اورینگ!
پاکستان دن قاچقینلر چیقریلیش پروسه‌سی ۲۰۲۳-ییل نوامبر آیی‌ده باشلنیب و حاضرگچه بو مملکت‌دن ۸۰۰ مینگ قاچقین جبری شکلده چیقریلگن.
شونینگدیک افغانستان‌لیک قاچقینلردن باشقه بیری میرویس خاورین، جبری شکلده چیقریلیش‌دن خواطر بیلدیریب و ایتیشیچه، قاچقینلردن کوپ قطاری قورقوو و روحی قیینچیلیکلر بیلن روپه‌ره بولگنلر. «بو ییرده‌گی افغانستان‌لیک قاچقینلر کوپینچه قیین‌چیلیک بیلن حیات کیچیرماقده. برچه‌سی روحی قیین‌چیلیککه روپه‌ره دیر. قاچقینلردن برچه‌سی چیقریلیش‌دن خواطرلنگن.»
قاچقینلر قیین‌چیلیگی‌گه ییتیشیش بوییچه عالی کمیسیونی، قوشنی مملکت‌لردن افغانستان‌لیک قاچقین‌لرنی تیز و جبری شکلده چیقرمسلیک‌لرینی ایسته‌گن.
