دنیا همجمعیت نینگ، افغانستان ده همه‌شمول حکومت شکللنیشی گه قوشیمچه باشقه بیر قطار ایستک‌لری عملگه آشیریلمسیگی باعث حاضرگچه اسلام امیرلیگی حکومتینی تن آلمه‌گن، اسلام امیرلیگی نینگ ییریک دیپلوماتی امیرخان متقی دنیا همجمعیت نی اوشبو مسئله دن، حکومت‌لری برابری ده باسیم اوله‌راق قوللنماقده‌لیککه عیبله‌گن.
اسلام امیرلیگی هردایم همه شمول حکومت شکللنیشی اوستیگه تأکید ایتسه ده، بیراق دنیا همجمعیت حکومت‌لری قنده‌ی همه‌شمول ایمسلیککه دایر حاضرگچه ایضاح کیریتمه‌گنینی معلوم قیلگن.
بیزلرنینگ فیسبوک صحیفه‌میزگه باش اورینگ!
بیراق ایش بیلرمان‌لر، افغانستان نی حاضرگی بحران دن قوتقریش اوچون، همه‌شمول حکومت شکللنیشی، حکومت ده برچه قوم‌لر گه معنالی سهم بیریلیشی و برچه قبولی بولگن حکومت شکللنیشی لازم دیدیلر.
سیاسی ایشلر بوییچه ایش بیلرمان محسن باقری نینگ ایتیشیچه: «تأسف بیلن حاضر نه فقط حکومت همه‌شمول ایمس بلکه تک حزبی و حتا تک فکری دیر، برچه قوم‌لر معنالی روشده سیاسی توزوم ده شامل ایمس‌لر، عیاللر جمعیت نینگ یریمینی تشکیل بیرسه ده، تأسف بیلن سیاسی توزوم ده هیچ سهم‌لری یوق.»
ایش بیلرمان‌لر نینگ ایشانچی گه کوره، اسلام امیرلیگی همه‌شمول حکومت شکللنیشی گه دایر برچه ایستک‌لر گه قرشی عمل قیلیب کیلگن.
اولر نینگ ایتیشلریچه، اسلام امیرلیگی همه‌شمول حکومت شکللنیشی و برچه قیینچیلیک‌لر حلی اوچون تن بیرمه‌ی و بوتوغریده جدی اقدام قیلمه‌گونچه، دنیا همجمعیت تامانیدن تیزلیک بیلن تن آلینیشی ممکن‌سیز دیر.
بیزلرنینگ توییترده هم تعقیب قیلینگ!
سیاسی ایش بیلرمان ویس ناصری نینگ سلام‌وطندار گه ایتیشیچه: «دنیا همجمعیت هیچ قچان افغانستان ده بیر قوم و بیرگوه حاکمتینی تن آلیش گه تیار ایمسلیگینی، اسلام امیرلیگی قبول قیلیشی کیره‌ک. دستلبکی بیش ییل حکومت‌لریدن تجربه آلیش‌لری لازم.»
ایتیش کیره‌ک که، اسلام امیرلیگی نینگ افغانستان ده حاکمیتیدن ایکی ییل اوتماقده ایکن، بیراق حاضرگچه نه فقط همه‌شمول حکومت شکللنیشی، بلکه انسان حقلری رعایت ایتیلیشی و عصیانچی گروه‌لر گه قرشی کوره‌ش ده، دنیا همجمعیت نی قانیقتیره آلمه‌گن.
ایتیش کیره‌ک که، اسلام امیرلیگی ایکی ییل آلدین ۷ سپتمبر کونی، سرپرست حکومت کابینه‌‌سینی اعلام قیلدی.