قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن بیر کونده ۹ مینگ ۳۹۱ افغانستانلیکنینگ مملکت گه قیتریلگنینی معلوم قیلگن.
اسلام امیرلیگی سوزلاوچیسی اورینباسری حمدالله فطرت، بوگون (۲۱-عقرب، چهارشنبه)، بیر بیانیه آرقهلی یازیشیچه، اوشبو کیشیلر اوتگن کون افغانستان گه قیتگنلر.
بیانیه اساسیده، بیر مینگ ۴۹۲ عایلهدن عبارت بولگن بو کیشیلر، قندهار ده اسپینبولدک، ننگرهار ده تورخم، هرات ده اسلامقلعه، نیمروز ده پلابریشم و هلمند ده بهرامچه چیگره قتناو یوللری آرقهلی افغانستان گه کیلگنلر.
قاچقینلر قیینچیلیکلرینی حل قیلیش بوییچه عالی کمیسیونی، چیگرهلرده قیتگن قاچقینلرگه یاردم بیریلگنینی بیان قیلگن.
ایران و پاکستان، سونگی آیلرده افغانستانلیک قاچقینلرنینگ چیقریلیشینی کوچهیتیرگن و کونده مینگلب کیشی افغانستان گه قیتریلهدی.
