قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، بیر کونده ایران و پاکستان دن ۸ مینگ ۲۳۱ افغانستانلیک چیقریلگن.
اوشبو کمیسیون بوگون (۲۷-عقرب، سهشنبه)، بیر بیانیه آرقهلی، بو کیشیلرنینگ اوتگن کونی افغانستان گه کیلگنینی یازگن.
بیانیه اساسیده، ۵۱۵ عایلهدن عبارت بولگن مذکور کیشیلر، هرات ده اسلامقلعه، نیمروز ده پل ابریشم، قندهار ده اسپینبولدک و ننگرهار ده تورخم چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، ایران و پاکستان دن قیتگن قاچقینلرگه، چیگرهلرده نقد پول، آزیق-آوقت و طبی خذمت کورسهتیلگن.
بیرلشگن ملتلر تشکیلاتی قاچقینلر ایشلری بوییچه عالی کمیسارینینگ معلوماتی اساسیده، جاری میلادی ییلده ایران و پاکستان دن ایکی میلیون ۵۰۰ مینگ افغانستانلیک مملکت گه قیتگن.
