قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ۷ مینگ ۳۲۶ افغانستانلیکنینگ چیقریلگنینی معلوم قیلگن.
اوشبو کمیسیون بوگون (۲۸-عقرب، چهارشنبه)، بیر بیانیه آرقهلی یازیشیچه، مذکور کیشیلر اوتگن کون ننگرهار ده تورخم، هرات ده اسلامقلعه، قندهار ده اسپینبولدک و نیمروز ده پلابریشم چیگره قتناو یوللری آرقهلی افغانستان گه کیلگنلر.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن قیتگن اوشبو کیشیلردن قطاریگه نقد پول، آزیق-آوقت و طبی خذمت کورسهتیلگنینی بیان قیلگن.
ایران و پاکستان، اوتگن ییللردن بویان افغانستان یشاوچیلرینینگ مهاجرت قیلهدیگن مقصدلریدن بولیب، بیرلشگن ملتلر تشکیلاتی قاچقینلر ایشلری بوییچه عالی کمیسارینینگ معلوماتی اساسیده، یالغیز جاری میلادی ییلده ایکی میلیون ۵۰۰ مینگدن آرتیق کیشی جبری و داوطلب شکلده مذکور ایکی مملکتدن قیتریلگنلر.
